13.01.2026 | 14:14
Զինվորական համազգեստի վաճառքը կարգելվի. ԱԺ-ում նախաձեռնությամբ հանդես կգամ. Պապիկյան․ ՏԵՍԱՆՅՈՒԹ
Քաղաքական խորհրդակցություններ Հայաստանի և Չեխիայի ԱԳՆ-ների միջև
Քաղաքականություն
03.10.2017 | 15:25
Հոկտեմբերի 2-ին Երևանում կայացան քաղաքական խորհրդակցություններ Հայաստանի և Չեխիայի արտաքին քաղաքական գերատեսչությունների միջև: Այս մասին հայտնում է ԱԳՆ լրատվական ծառայությունը:
Հայկական պատվիրակությունը գլխավորում էր ԱԳ նախարարի տեղակալ Կարեն Նազարյանը, չեխականը՝ ԱԳ նախարարի տեղակալ Յակուբ Դյուրը:
Խորհրդակցությունների ընթացքում մանրամասն քննարկվեց հայ-չեխական հարաբերությունների հետագա զարգացմանն առնչվող հարցերի լայն շրջանակ՝ ներառյալ քաղաքական, տնտեսական երկխոսության ու ոլորտային տարբեր ուղղություններով համագործակցությունը խթանելուն ուղղված քայլերը։ Կողմերն անդրադարձան Հայաստան-ԵՄ հարաբերությունների, Արևելյան գործընկերության ու միջազգային կազմակերպությունների շրջանակներում երկու երկրների գործակցության ընդլայնման հեռանկարներին:
Նույն օրը տեղի ունեցավ Չեխիայի պատվիրակության հանդիպումն ԱԳ նախարարի տեղակալ Շավարշ Քոչարյանի հետ, որի ընթացքում չեխական կողմին ներկայացվեցին Հայաստանի և ԵԱՀԿ Մինսկի խմբի համանախագահների կողմից գործադրվող ջանքերը՝ ղարաբաղյան հիմնախնդրի կարգավորման գործընթացի առաջմղման ուղղությամբ, ինչպես նաև անդրադարձ կատարվեց տարածաշրջանային անվատնգությանն առնչվող արդի խնդիրներին:
