02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Սահմանադրական դատարանի որոշումն անսպասելի էր. Սուրեն Գրիգորյան
Քաղաքականություն
15.10.2019 | 11:42
Սահմանադրական դատարանի որոշումն անսպասելի էր։ Այս մասին Factor.am-ի հետ զրույցում ասաց ԱԺ «Իմ քայլը» խմբակցության պատգամավոր Սուրեն Գրիգորյանը՝ անդրադառնալով ՍԴ նախագահ Հրայր Թովմասյանի լիազորությունները դադարեցնելու ԱԺ նախագիծը ՍԴ-ի կողմից վարույթ չընդունելուն։
«Որոշման վերաբերյալ բովանդակային մեկնաբանություն կարող ենք տալ որոշման հրապարակումից հետո։ «Իմ քայլը» խմբակցության հետագա քայլերը լինելու են, չեն լինելու՝ ամեն ինչը կհասկանանք ՍԴ-ի որոշմանը ծանոթանալուց հետո։ Որոշումը չի հրապարակվել, ուստի առայժմ չենք կարող ասել»,- նշեց պատգամավորը։
Հիշեցնենք, որ «Իմ քայլը» խմբակցության անդամները նախաձեռնել էին ՍԴ նախագահ Հրայր Թովմասյանի լիազորությունները դադարեցնելու գործընթաց։ Նախագիծն ԱԺ-ում ընդունվեց 98 կողմ քվեով, բայց երեկ ՍԴ անդամները դեմ քվեարկեցին այն վարույթ ընդունելուն։
Նարեկ Կիրակոսյան
