10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Մի հատ էլ մտածենք՝ էս ինչ տեղը ծնելիությունը ինչի՞ է քիչ, տղամարդիկ ուղարկենք հայերից. Վարդան Ղուկասյան
Քաղաքականություն
03.10.2017 | 13:38
«Ծառուկյան» խմբակցության պատգավոր Վարդան Ղուկսայանը վստահեցնում է, որ Երևանում վարձով բնակարաների համար ԱԺ-ից 100 հազար դրամ փոխհատուցում ստանալու համար ներկայացված դիմումը հետ է վերցրել մինչև այս աղմուկը կբարձրանար:
Նշենք, որ «ՀՀ Ազգային ժողովի պատգամավորի գործունեության երաշխիքների մասին» ՀՀ օրենքի 9-րդ հոդվածով սահմանված կարգով դիմել և ստանում են Երևան քաղաքում բնակարանի վարձին համարժեք փոխհատուցում։
«Ամսի 25-ին ես արդեն հետ եմ վերցրել դիմումը, մինչ այս աղմուկը բարձրացել է: Չնայած ես չեմ էլ կարող որևէ մեկին ասել, թե մարդիկ ինչու են դիմում ներկայացրել, որ այդ 100 հազար դրամները ստանան: Դա օրենքով ամրագրված է, իրենց իրավասությունն է: Հետո, ինչքան ես շատ գումար ունենամ, այդքան ժողովուրդը շատ կօգտվի»,- ասաց Ղուկասյանը՝ հստակեցնելով, թե ինչն է ստիպել իրեն հետ վերցնել իր ներկայացրած դիմումը:
Լրագրողները նաև հետաքրքրվեցին՝ ճիշտ են լուրերը, որ «Ծառուկյան» խմբակցության ղեկավար Գագիկ Ծառուկյանը նկատողություն է արել իր խմբակցության պատգամավորներին 100 հազար փոխհատուցում ստանալու նպատակով դիմում ներկայացնելու համար, Վարդան Ղուկասյանն արձագանքեց. «Նմանատիպ հարցերն այնքան ցածր են, որ այդ հարցերը չի քննարկվում «Ծառուկյան» խմբակցության մեջ: Ես զարմանում եմ, թե դուք ինչի եք խառնվել: Ես ամոթ էլ եմ զգում սրա մասին մեկնաբանություն տալ»:
Մանրամասները՝ տեսանյութում:
Շողիկ Գալստյան
