18.10.2026 | 16:45
Սպիտակ տունն առաջարկել է ԵՄ-ին ավելացնել ռուսական գազի գնումները, իսկ Ուկրաինային՝ վերսկսել դրա տարանցումը․ NYT
Մոսկվայում և Թբիլիսիում չեն հաստատում Վրաստանի իշխանության ներկայացուցիչների այցը ՌԴ
Քաղաքականություն
11.10.2019 | 16:27
Ռուսաստանի ԱԳ փոխնախարար Անդրեյ Ռուդենկոյի հայտարարությամբ, այս պահի դրությամբ գոյություն չունի Վրաստանի իշխանության ներկայացուցիչների Ռուսաստան այցի կազմակերպման ծրագիր: «Ոչ մի այց չի նախատեսվում»,- ՏԱՍՍ գործակալության հետ զրույցում հայտարարել է Ռուդենկոն:, փոխանցում է aliq.ge-ն:
Մի քանի օր առաջ վրացական լրատվամիջոցներում տեղեկություն տարածվեց, որ հնարավոր է նոյեմբերին կայանա Վրաստանի վարչապետ Գիորգի Գախարիայի այցը Ռուսաստան: Գախարիան «Ռուսթավի 2»-ի հետ զրույցում նա չի հաստատել այս լուրը:
Վրաստանի և Ռուսաստանի միջև բարձր մակարդակի այցերը դադարեցին 2008 թվականի պատերազմից հետո:
Հիշեցնենք՝ 2019 թվականի սեպտեմբերի 26-ին ՄԱԿ-ի գլխավոր ասամբլեայի շրջանակներում 2008-ից հետո առաջին անգամ տեղի ունեցավ ՌԴ և Վրաստանի ԱԳ նախարարների հանդիպումը:
