Գերմանիայի ոստիկանությունը մի շարք խուզարկություններ է իրականացրել արմատականների սպառնալիքների գործով

Գերմանիայի չորս դաշնային հողերում նեոնացիստների կողմից սպառնալիքների գործով ոստիկանությունը խուզարկություններ է իրականացրել։  Ժամանակավորապես ձերբակալվել է 6 կասկածյալ, 1-ին չեն հայտնաբերել: Այս մասին գրում է DW-ն:

Հետաքննությունը սկսվել է նեոնացիստական հայտնի կազմակերպությունների անունից սպառնալիքներով էլեկտրոնային նամակների զանգվածային սպառնալիքից  հետո: 2019 թվականի հուլիսին նման նամակներ են ուղարկվել գերմանական կուսակցական կազմակերպությունների, մեդիաընկերությունների, իսլամական կենտրոնների և մզկիթների:

Մյունխենի գլխավոր դատախազության և Բավարիայի քրեական ոստիկանության վարչության հաղորդմամբ՝ խուզարկություններին մասնակցել է մոտ 120 իրավապահ, այդ թվում՝ ծայրահեղականության և ահաբեկչության դեմ պայքարի բավարական գերատեսչության (ZET) ներկայացուցիչները: Իրականացված քննչական միջոցառումների արդյունքում ժամանակավորապես ձերբակալվել է 6 մարդ, կասկածյալները 7-ն են, հայտնել է Բավարիայի ներքին գործերի նախարար Յոահիմ Հերմանը:

Ձերբակալվածները ոստիկանական գործողության ավարտից հետո ազատ են արձակվել:

Նշենք, որ սպառնալիքներով 23 էլեկտրոնային նամակ է ուղարկվել, որոնցում արմատականները սպառնացել են պայթուցիկի կիրառմամբ հարձակումներով: Ուղերձները ստորագրվել են այնպիսի միջազգային նեոնացիստական կազմակերպությունների կողմից, ինչպիսիք են Volksfront-ը (ձևավորվել է 1994 թվականին ԱՄՆ-ում, 2012 թվականին հայտարարել է ինքնալուծարման մասին), Combat 18 (ձևավորվել է 1992 թվականին Մեծ Բրիտանիայում, գործում է մի քանի երկրներում)   Blood & Honor (աջ արմատական կազմակերպությունների միջազգային ցանց, որը ձևավորվել է 1980-ական թվականներին Մեծ Բրիտանիայում, Գերմանիայում արգելվել է 2000 թվականից):

Իրավապահները սպառնալիքների գործով խուզարկություններ են անցկացրել Բավարիայում, Բադեն-Վյուրտեմբերգում, Սաքսոնիա-Անհալթում և Թյուրինգիայում: