28.11.2024 | 14:40
Կոբախիձեն կրկին ընտրվել է Վրաստանի վարչապետ․ խորհրդարանը հավանություն է տվել կառավարության կազմին
ԱԴԾ-ն կասեցրել է ԻՊ կողմնակիցների գործունեությունը
Քաղաքականություն
09.10.2019 | 19:03
ՌԴ Անվտանգության դաշնային ծառայությունը (ԱԴԾ) կասեցրել է ռուսական խմբի գործունեությունը, որը ֆինանսավորել է Ռուսաստանում արգելված «Իմարաթ Կովկաս» և «Իսլամական պետություն» ահաբեկչական կազմակերպություններին: Հատուկ գործունեությանը մասնակցել են նաև Քննչական կոմիտեի և Ֆինմոնիթորինգի աշխատակիցները, գրում է «Իզվեստիա»-ն:
Կազմակերպությունում ներգրավված է եղել ավելի քան 100 մարդ, այդ թվում՝ 2005 թվականին Նալչիկի վրա հարձակման մասնակիցներ, որը պլանավորել էր ահաբեկիչ Շամիլ Բասաևը: Նրանք գտնվել են տարբեր շրջաններում՝ Կաբարդինո Բալկարիա, Կարաչաևո Չերկեսիա, Ինգուշեթիա, Թաթարստան, Մոսկվա, Սանկտ Պետերբուրգ, Կրասնոդարի և Ստավրոպոլի երկրամասեր, Տյումենի մարզ:
Խմբավորման անդամները իբր բարեգործական նպատակով համացանցի միջոցով գումար են հավաքել, այդ թվում՝ Telegram մեսենջերի: Միջոցները փոխանցվել են Սիրիա:
Գործողության արդյունքում ձերբակալվել է երկու անձ, նրանցից առգրավվել է ծայրահեղական գրականություն, 10 բջջային հեռախոս, 60 բանկային քարտ, գումար և միջոցների փոխանցման հաշվետվություններ:
Հոկտեմբերի 8-ին ԱԴԾ ղեկավար Ալեքսանդր Բորտնիկովը հայտնել էր, որ տարեսկզբից Հյուսիսային Կովկասում կանխվել է 15 ահաբեկչություն: Նրա խոսքով՝ վերջին երկու տարում տարածաշրջանում ահաբեկչությունների թիվը կրճատվել է յոթ անգամ։
