10.09.2026 | 21:13
Զինված միջադեպ Ստամբուլում․ երկու մարդ զոհվել է, մեկը՝ վիրավորվել
«Թուրքիան արդեն չունի Եվրամիության կարիքը». Էրդողան
Քաղաքականություն
02.10.2017 | 17:19
Թուրքիայի նախագահ Ռեջեփ Թայիփ Էրդողանը մեջլիսում ունեցած ելույթի ժամանակ հայտարարել է, որ Թուրքիան այլևս Եվրամիությանը անդամակցելու կարիք չունի, բայց և անդամակցության գործընթացը կասեցնող կողմը Անկարան չի լինելու. փոխանցում է ermenihaber-ը:
Ըստ թուրքական «Diken.com.tr» լրատվական կայքի՝ Էրդողանը նշել է, որ իրենց ամենաշատ հիասթափեցրել են հենց Եվրամիության երկրները:
«Մեզ անհանգստացնում է Թուրքիայի եվրաանդամակցությանը բացահայտորեն խոչընդոտող երկրների հանդուրժողական վերաբեմունքը ահաբեկչական կազմակերպությունների նկատմամբ: Այսօր Եվրոպան վերածվել է մի վայրի, որտեղ ահաբեկիչները կարող են ձեռքները թափահարելով ման գալ ու ամեն տեսակի ակցիա անցկացնել Թուրքիայի օրինական ղեկավարության դեմ»,- ասել է Թուրքիայի նախագահը:
Ըստ Էրդողանի՝ ԵՄ-ն սխալ է հասկացել անդամակցության հարցում 1959 թվականից Թուրքիայի ցուցաբերած համբերատարությունը. «Չնայած դրան՝ պարզ հայտարարում եմ, որ այս գործընթացը դադարեցնեղը, սրբիչ նետողը մենք չենք լինելու: Իրականում մենք Եվրամիությանն անդամակցելու կարիք էլ չունենք արդեն: Եթե ԵՄ-ն մի ուզում է թռիչք կատարել, ապա դրա միակ ճանապարհը Թուրքիային անդամ դարձնելով տնտեսապես և մշակութապես ընդարձակվելն է: Եթե ԵՄ-ն դա անի, ապա մենք ուրախ կլինենք Եվրոպայի ապագայի մեջ ներդրում ունենալու համար: Եթե ԵՄ-ն այդպես չանի էլ, մեզ համար կարևոր չէ: Մենք կշարունակենք առաջ շարժվել մեր ճանապարհով»:
