01.09.2026 | 21:26
Փաշինյան-Պուտին հանդիպում Բիշքեկում. ՈՒՂԻՂ
Բրանդենբուրգի խորհրդարանի նորընտիր փոխնախագահն իր աջակցությունն է հայտնել Արցախին
07.10.2019 | 14:57
Գերմանիայի Դաշնային հանրապետության Բրանդենբուրգ երկրամասի խորհրդարանի նորընտիր փոխնախագահ Անդրեաս Գալաուն իր աջակցությունն է հայտնել Արցախին. գրում է artsakhpress.am-ը:
Անդրեաս Գալաուն հանդիսանում է «Այլընտրանք Գերմանիայի համար» կուսակցության անդամ, որն արդեն մի քանի տարի է համագործակցում է Արցախի «Ազատ հայրենիք» կուսակցության հետ: Սեպտեմբերի 1-ին Բրանդենբուրգում կայացած խորհրդարանական ընտրություններին «Այլընտրանք Գերմանիայի համար» կուսակցությունը երկրորդ տեղն էր զբաղեցրել՝ գրանցելով մեծ հաջողություն: Ստացած ձայներին համապատասխան՝ խորհրդարանի փոխնախագահի պաշտոնը զբաղեցրել է այդ կուսակցության ներկայացուցիչը, ով բազմիցս Արցախ է այցելել:
«Հայրենիք» խորհրդարանական խմբակցության պատգամավոր Գագիկ Պետրոսյանն իր ֆեյսբուքյան էջում շնորհավորական ուղերձ է հղել Գալաուին՝ փոխնախագահ ընտրվելու կապակցությամբ, որին ի պատասխան վերջինս գրել է. «Շնորհակալ եմ շնորհավորանքի համար: Ուզում եմ վստահեցնել, որ նոր գործառույթներս կօգտագործեմ ի շահ մեր բարեկամության ամրապնդման, հանուն Արցախի ժողովրդի արդար պահանջի: Հայտնում եմ նաև Արցախ այցելելու պատրաստակամությունս մասին»,- նշել է գերմանացի քաղաքական գործիչը:
Հիշեցնենք, որ սեպտեմբերի 1-ին Գերմանիայի Բրանդենբուրգ երկրամասում կայացած խորհրդարանական ընտրություններին Արցախից դիտորդական առաքելություն են իրականացրել «Ազատ հայրենիք» կուսակցության, «Հայրենիք» խորհրդարանական խմբակցության անդամ Գագիկ Պետրոսյանը և կուսակցության մամուլի խոսնակ Վահրամ Պողոսյանը:
