Ես հույս ունեմ, որ ՍԴ-ն կքննարկի ու կբավարարի ԱԺ դիմումը. Էդմոն Մարուքյան. ՏԵՍԱՆՅՈՒԹ

«Երեք ամիս առաջ իրենք ասում էին ՍԴ անդամ, մենք ասում էինք ՍԴ դատավոր։ Հիմա «Իմ քայլն» էլ է ասում ՍԴ դատավոր։ Այսինքն, էն ինչ մենք երեք ամիս առաջ ասում էինք, երեք ամիս հետո գալիս ասում են՝ լավ, դուք ճիշտ էիք։ Բայց էդ երեք ամսվա ընթացքում ինչքան ֆեյք, հնարավոր հակաքարոզչություն կա, մեր դեմ արեցին։ Հետևաբար ես կարծում եմ մեկ դատավորի կամ մի քանի դատավորի կարգապահական խախտումը Հայաստանի թիվ մեկ օրակարգային հարցը չէ։ Ես հույս ունեմ, որ ՍԴ-ն կքննարկի ԱԺ դիմումը ու կբավարարի»,- այսօր ԱԺ բրիֆինգների ժամանակ ասել է ԱԺ «Լուսավոր Հայաստան» խմբակցության ղեկավար Էդմոն Մարուքյանը։

Նա «Իմ քայլի» հիմքերը դիտում է համադրության մեջ, նրան կարող է խախտում չթվալ այն փաստը, որ ՍԴ նախագահի և Քոչարյանի փաստաբանի մեջ քավոր-սանիկական հարաբերություն կա, բայց համադրության մեջ նա դա դիտարկում է խախտում։

Այն հարցին, թե քաղաքական գործընթաց տեսնու՞մ է Հրայր Թովմասյանի լիազորությունների դադարեցման նախաձեռնության մեջ, պարոն Մարուքյանն ասաց․ «ԱԺ-ն քաղաքական մարմին է և այստեղ գեներացվող ամեն ինչ քաղաքական պրոցես է։ Հրայր Թովմասյանն ասում է, որ իրեն քաղաքական հետապնդման են ենթարկում։ Եթե լինի քաղաքական հետապնդում, մենք դրան չենք միանա։ Էն, որ դատարանները շրջափակում էին, ո՞վ է դրան դեմ գնացել՝ մենք, էն որ ասում էին՝ դատավոր չեն, անդամ են, էլի մենք էինք ասում, որ սխալ եք մեկնաբանում»,-ամփոփեց պարոն Մարությանը։

Մանրամասները՝ տեսանյութում:

Մհեր Արշակյան