15.10.2026 | 17:07
Իհարկե օրինական է CPS բենզալցակայանը․ փաստաբան․ ՏԵՍԱՆՅՈՒԹ
Չինաստանից զենք-զինամթերքի մատակարարումների մասին պայմանավորվածություն չկա. Վիգեն Սարգսյան
Տնտեսություն
02.10.2017 | 13:11
Սպառազինության հագեցման տեսանկյունից տարին բավական հաջող էր: Այս մասին այսօր լրագրողների հետ հանդիպմանը հայտարարեց ՀՀ պաշտպանության նախարար Վիգեն Սարգսյանը:
«Առաջիկայում շարունակելու ենք այդ աշխատանքը և Ռուսաստանից ստացված վարկային ծրագրի շրջանակում, և բազմաթիվ այլ ծրագրերի շրջանակում, որոնք իրականացնում ենք»,- վստահեցրեց նախարարը:
Վիգեն Սարգսյանն անդրադարձավ նաև պաշտպանության ոլորտում ծախսերի ավելացմանը: Համաձայն սեպտեմբերի 28-ին ներկայացված ՀՀ 2018 թվականի պետական բյուջեի նախագծի, ռազմական ծախսերն ավելացել են 17,6%ով` 440,4 միլիոն ԱՄՆ դոլարից հասնելով 518 միլիոն ԱՄՆ դոլարի:
Նախարար Վիգեն Սարգսյանը տեղեկացրեց, որ այդ միջոցների հիմնական մասն ուղղվելու է զենք-զինամթերքի ձեռքբերմանը: «Ես նախընտրում եմ զենքը ցույց տալ զորահանդեսների ժամանակ: Հնարավոր գնումների մասին խոսելն անիմաստ է, բացի այդ, քո հեռանկարային ծրագրերի բացահայտումը հակառակորդին թույլ կտա հակամիջոցներ ձեռնարկել»,- ի պատասխան լրագրողի հարցին՝ Չինաստան այցի շրջանակում զենքի մատակարարման պայմանավորվածություն ձեռք բերվե՞լ է, թե՞ ոչ, պարզաբանեց նախարարը:
Մանրամասները՝ տեսանյութում:
Շողիկ Գալստյան
