08.12.2025 | 19:14
40-ամյա Վարդուհի Մանիկյանը որոնվում է որպես անհետ կորած
Բատմինթոնիստ Լիլիթ Պողոսյանը դարձել է դանիական մրցաշարի չեմպիոն
02.10.2017 | 11:50
Հայաստանի առաջատար բատմինթոնիստ Լիլիթ Պողոսյանը հաղթել է դանիական «Li-Ning Valby Open 2017» մրցաշարում: Պողոսյանը եզրափակչում 21-15, 21-16 հաշվով առավելության է հասել Միա Ֆալկենբերգի նկատմամբ:
Լիլիթն այս մրցաշրջանում ներկայացնում է Դանիայի Թոստղուպ քաղաքի «Taastrup Elite Badminton» ակումբը: Դանիական ակումբի կազմում հայ բատմինթոնիստը մասնակցում է տարբեր միջազգային մրցաշարերի:
Լիլիթի հաջորդ մրցումը կմեկնարկի հոկտեմբերի 5-ին Սոֆիայում:
Ինչպես արդեն տեղեկացրել էինք, Լիլիթ Պողոսյանը եռամյա ուսումնամարզական հավաք է անցկացնում Դանիայում: Նա մասնակցում է Եվրոպական կոնֆեդերացիայի կազմակերպած միջազգային ծրագրին:
