07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Հրայր Թովմասյանի լիազորությունները դադարեցնելու նախագիծն ԱԺ-ում ընդունվեց, այն կուղարկվի ՍԴ. ՏԵՍԱՆՅՈՒԹ
Քաղաքականություն
04.10.2019 | 12:23
ԱԺ «Իմ քայլը» խմբակցության նախաձեռնած՝ Սահմանադրական դատարանի նախագահ Հրայր Թովմասյանի լիազորությունները դադարեցնելու մասին նախագիծն ընդունվեց խորհրդարանի կողմից:
Նախագծին կողմ է քվեարկել 98 պատգամավոր, իսկ, ընդհանուր առմամբ, 132 պատգամավորներից քվեարկությանը մասնակցել է 101-ը: Այս մասին ասաց ԱԺ հաշվիչ հանձնաժողովի նախագահ Վահագն Հովակիմյանը:
Նախագիծը կուղարկվի Սահմանադրական դատարան։ Այս նախագծի ընդունման համար անհրաժեշտ էր 80 պատգամավորի ձայն՝ խորհրդարանականների ընդհանուր թվի 3/5-ը։
Վերջնական որոշումն ընդունելու է Սահմանադրական դատարանը՝ ձայների 2/3-ով։ Այսինքն, եթե ՍԴ վեց անդամ կողմ քվեարկի նախագծին, Հրայր Թովմասյանի լիազորությունները կդադարեցվեն:
Նշենք, որ ԱԺ-ում նախագծի քվեարկությանը ԲՀԿ-ն չի մասնակցել:
Մանրամասները՝ տեսանյութում:
Նարեկ Կիրակոսյան
