24.04.2026 | 23:32
Կապանում ջրանջատում կլինի
Խորհրդարանն այս հիմքերով կրկին չի կարող նախաձեռնել պաշտոնանկության գործընթաց. Վլադիմիր Վարդանյան. ՏԵՍԱՆՅՈՒԹ
Քաղաքականություն
04.10.2019 | 11:45
ԱԺ պետաիրավական հարցերի հանձնաժողովի նախագահ Վլադիմիր Վարդանյանը ցավում է, որ «ՍԴ-ն այս աստիճան քաղաքականացվել է»։ Նա ցավում է նաև, որ իրավական գործընթացներին փորձ է արվում տալ քաղաքական գնահատական՝ նկատի ունենալով ԱԺ-ում այսօր ընդունված նախագծի հանդեպ Հրայր Թովմասյանի վերաբերմունքը։
Պարոն Վարդանյանը քաղաքականացված է համարում նաև Հրայր Թովմասյանի ներողությունը ուղղված ԲՀԿ-ին, որը հայտարարել էր, որ չի մասնակցելու նրա լիազորությունների դադարեցման մասին նախագծի քվեարկությանը։
«Էս հարցի քաղաքականացումը ո՛չ ես եմ արել, ո՛չ ԱԺ-ն է արել, ո՛չ էլ որևիցե մի քաղաքական ուժ, դա արել է ՍԴ նախագահը»,- մանրամասնում է իմքայլական պատգամավորը։
Նա խոսել է նաև, թե ինչ է հետևելու այն փաստին, որ ՍԴ-ն կարող է դեմ քվեարկել ՍԴ նախագահի լիազորությունների դադարեցմանը. «Եթե դիմումը չընդունվի վարույթ, օրինակ, ֆորմալ եղանակով դիտարկեն, որ չի պահպանվել ֆորմալ պահանջները, որոնք անհրաժեշտ են, որ ՍԴ-ն քննության առնի դիմումը, ապա ԱԺ-ն կրկին խնդիրները շտկելով կարող է դիմել ՍԴ։ Բայց բոլոր ֆորմալ պահանջները ՍԴ օրենքի համաձայն և ֆորմալ հիմք դիմումը մերժելու ՍԴ-ն չունի»։
Իսկ նույն հիմքերով խորհրդարանը կարո՞ղ է դիմել ՍԴ։ «Այս հիմքերով խորհրդարանը կրկին չի կարող դիմել»,- թեման փակեց Վլադիմիր Վարդանյանը։
Մանրամասները՝ տեսանյութում:
Մհեր Արշակյան
