30.04.2026 | 13:29
Իսլամ Մախաչևը սկսել է պատրաստվել հաջորդ մենամարտին
187.000 մարդու աշխատավարձ կբարձրանա, եթե ԱԺ-ն ընդունի այս նախագիծը. Վարազդատ Կարապետյան. ՏԵՍԱՆՅՈՒԹ
Քաղաքականություն
02.10.2019 | 12:25
ԱԺ-ն այսօր քննարկում է «Իմ քայլը» խմբակցության երեք պատգամավորների՝ նվազագույն աշխատավարձը 55.000 դրամից 68.000-ի հասցնելու նախաձեռնությունը:
Հիմնական զեկուցող, իշխող խմբակցության պատգամավոր Վարազդատ Կարապետյանն ասաց՝ մոտավոր պետական հատվածի 57.000 և մասնավոր հատվածի 130.000 մարդու աշխատավարձի բարձրացում կլինի, իսկ պետբյուջեի վրա ազդեցությունը 2 միլիարդ դրամից չի անցնի:
Կարապետյանը նշեց, որ մասնավոր հատվածում կողմ են եղել մինչև 90.000 դրամ բարձրացմանը: Պատգամավոր Արտակ Մանուկյանը գործընկերոջից հետաքրքրվեց՝ ի՞նչն է խանգարում, որ «այս պահին նվազագույն աշխատավարձ սահմանվի 63.000, գրենք, որ 2021-ի հունվարի 1-ից լինելու է 70.000 դրամ, ապա համակարգային լուծում տալուց հետո կենսաթոշակային համակարգին, նորից քննարկվի»:
«Ես տեսականորեն կողմ եմ Ձեր առաջարկին, բայց քանի որ հիմա տասնյակ հազարավոր մարդիկ ստանում են շատ ցածր աշխատավարձ, և եթե Կառավարությունը պատրաստ է պետական հատվածի աշխատողների աշխատավարձը բարձրացնելու, ապա կարծում եմ՝ մենք այս հնարավորությունը հիմա օգտագործենք»,- պատասխանեց Կարապետյանը:
Մանրամասները՝ տեսանյութում:
