06.04.2026 | 12:30
«Սանդերլենդի» մարզիչ. Ֆինն Գերագուսյանը բազմակողմանի խաղացող է
Ինձ հայտնի չէ, որ Արմեն Ավետիսյանն այլ նվիրատվության մտադրություն ունի. Նարեկ Բաբայան. ՏԵՍԱՆՅՈՒԹ
Հասարակություն
01.10.2019 | 12:24
«ՀՀ ԿԱ Մաքսային պետական կոմիտեի նախկին նախագահ Արմեն Ավետիսյանին պատկանող «Գոլդեն Փելես» հյուրանոցում գույքագրում իրականացվել է գարնանը, և ես կառավարության նիստում արդեն ներկայացրել եմ, որ ընդհանուր առմամբ անշարժ գույքը և ներսում շարժական գույքը շուրջ 16,5 միլիոն դոլար է կազմում»,- խորհրդարանում լրագրողներին տեղեկացրել է պետական գույքի կառավարման կոմիտեի նախագահ Նարեկ Բաբայանը։
Վերջինս տեղեկացնում է, որ հյուրանոցի հանձնում-ընդունումը դեռ տեղի չի ունեցել, առաջիկա շաբաթներին դա տեղի կունենա, կոմիտեն հիմա քննարկում է այն հարցը, թե որն է ճիշտ՝ օտարու՞մը, թե՞ հավատարմագրային կառավարումը։
«Հյուրանոցը գնելու մտադրություն ունեցողներ կան,-տեղեկացնում է պարոն Բաբայանը,- բայց չեմ կարող նրանց անունները տալ, պետք է շատ համոզիչ ու ստուգված լինի նրանց մտադրությունը»։
Ի դեպ, լրագրողները հետաքրքրվեցին, թե արդյոք Արմեն Ավետիսյանը ուրիշ նվիրատվություններ ունի անելու, պարոն Բաբայանը տեղեկացրեց, որ իրեն հայտնի չէ, որ պարոն Ավետիսյանն այլ նվիրատվության մտադրություն ունի։
