01.09.2026 | 23:48
ՀՀ նախագահը պաշտոնական այցով կմեկնի Չեխիա
«Ավրորա» մարդասիրական նախաձեռնության ներկայացուցիչները Վատիկանում կհանդիպեն Ֆրանցիսկոս պապի հետ
Հասարակություն
01.10.2019 | 11:59
IDeA հիմնադրամից տեղեկացնում են, որ հոկտեմբերի 2-ին «Ավրորա» մարդասիրական նախաձեռնության ներկայացուցիչները Վատիկանում արժանանալու են Ֆրանցիսկոս պապի ընդունելությանը։
Այս հանդիպումն «Ավրորայի» պատվիրակության՝ Հռոմ կատարած ծավալուն այցի մի մասն է, որի ընթացքում կացկացվի նաև մարդասիրական և սոցիալական հարցերի վերաբերյալ կլոր-սեղան քննարկում՝ մարդասիրական ոլորտի և միջազգային մեդիայի մասնակցությամբ:
Այդ թեմաներն այս ամիս ավելի ուշ կլինեն Երևանում սպասվող առաջին «Ավրորա» ֆորումի առանցքում: Ֆրանցիսկոս պապի հետ հանդիպմանը ներկա կլինեն «Ավրորա» ֆորումի համահիմնադիրներ Նուբար Աֆեյանը և Ռուբեն Վարդանյանը, ինչպես նաև «Ավրորա» համաշխարհային ամենամյա մարդասիրական մրցանակի երեք դափնեկիրները՝ Թոմ Քաթինան, Մարգարիտ Բարանկիցեն և Չո Լա Աունը:
