17.09.2026 | 23:38
Սամվել Կարապետյանի տնային կալանքը երկարաձգվել է
Հնարավոր է՝ որոշ գյուղերում թոշակ ստանալու հետ կապված խնդիրներ լինեն. փոխվում է «Հայփոստի» կարգավիճակը. ՏԵՍԱՆՅՈՒԹ
Հասարակություն
01.10.2019 | 10:54
ՀՀ Կառավարության կողմից ներկայացված Պետական գույքի մասնավորեցման 2017-2020 թթ. ծրագրի մասին ՀՀ օրենքում փոփոխություններ կատարելու մասին նախագծով նախատեսվում է «Հայփոստ» և «Էներգաիմպեքս» ընկերությունները հանել մասնավորեցման ցանկից: Այսօր մեկնարկած ԱԺ նիստում նախագիծը ներկայացրեց Պետական գույքի կառավարման կոմիտեի նախագահ Նարեկ Բաբայանը:
«Նախագծով առաջարկվում է փոփոխություններ կատարել օրենքի՝ մասնավորեցման ենթակա պետական բաժնեմաս ունեցող ընկերությունների ցանկում: Առաջարկվում է ծրագրի ցանկից հանել «Հայփոստ» և «Էներգաիմպեքս» ՓԲԸ-ները»,- ներկայացրեց Բաբայանը:
«Էներգաինտեքս» ՓԲԸ-ն մասնավորեցման ենթակա ցանկից հանելու առաջարկությունը ներկայացրել է նախկին Էներգետիկ ենթակառուցվածքների և բնական պաշարների նախարարությունը: Հիմնավորումը, մասնավորապես, հետևյալն է՝ էներգետիկայի արտահանման և ներկրման գործընթացն անխափան իրականացնելու նպատակով էլեկտրաէներգետիկական մեծածախ շուկայում չկարգավորվող գներով էլեկտրաէներգետիկական մեծածախ շուկայի մասնակիցներից և ինքնավար էներգաարտադրողներից էլեկտրական էներգիա գնելու, ներկրելու, վաճառելու և արտահանելու գործընթացն առաջարկվում է իրականացնել միայն պետական մասնակցությամբ առևտրային կազմակերպության կողմից:
«Հայփոստ» ՓԲԸ-ն մասնավորեցման ենթակա կառույցների ցանկից հանելու առաջարկ ներկայացրել է նախկին Տրանսպորտի, կապի և տեղեկատվական տեխնոլոգիաների նախարարությունը: Հիմնավորման համաձայն՝ ներկայում «Հայփոստը» ՀՀ ամբողջ տարածքում՝ նույնիսկ ամենահեռավոր գյուղերում, իրականացնում է փոստային կապի ունիվերսալ ծառայություններ՝ անկախ դրանց տնտեսապես անարդյունավետ լինելու գործոնից: Դրա մասնավորեցման դեպքում գյուղական բնակչության մեծամասնության համար փոստային կապի ունիվերսալ ծառայություններն ընկերության համար կդառնան ոչ արդյունավետ, և ՀՀ տարածքում խիստ ռիսկային կդառնա ունիվերսալ փոստային կապի ամբողջ ծավալով մատուցումը:
Մասնավորեցման ծրագրից հանելու դեպքում, որպես կառավարման արդյունավետ մոդել, առաջարկվում է հետագայում կիրառել ընկերության բաժնետոմսերը հավատարմագրային կառավարման հանձնելը:
ԱԺ պատգամավոր Գևորգ Պապոյանը նշեց՝ այս նախագծի ընդունման անհրաժեշտությունը պայմանավորված է այն հանգամանքով, որ եթե մասնավոր ընկերությունը չցանկանա հանրապետության հեռավոր բնակավայրերը սպասարկել՝ եկամտաբեր չլինելու պատճառով, ապա որոշ բնակիչներ կենսաթոշակ ստանալու հետ կապված խնդիրներ կունենան:
Մանրամասները՝ տեսանյութում:
Նարեկ Կիրակոսյան
