02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Սաակաշվիլին մտադիր է առաջիկա ամիսներին Վրաստան վերադառնալ՝ «երկրի պետականությունը վերականգնելու համար»
Քաղաքականություն
30.09.2019 | 14:49
Վրաստանի նախկին նախագահ Միխայիլ Սաակաշվիլին մտադիր է առաջիկա ամիսներին հայրենիք վերադառնալ՝ երկրի «պետականությունը վերականգնելու համար»: Այս մասին գրում է ՌԻԱ Նովոստին:
«Ես ծրագրում եմ առաջիկա ամիսներին Վրաստան վերադառնալ: Ոչ մի գաղտնի բան չկա: Իհարկե, Ուկրաինայում նույնպես ես լավ եմ զգում, բայց երբ կորցնում ես հայրենիքը…»,- հայտարարել է Սաակաշվիլին:
Նշենք, որ Սաակաշվիլին և նրա կուսակցությունը Վրաստանում իշխում էին տասը տարի՝ մինչև 2012 թվականի աշնանն անցկացված խորհրդարանական ընտրությունները: Այդ ժամանակ ընտրություններում հաղթանակ տարավ և իշխանւթյան եկավ «Վրացական երազանքը»:
2013 թվականին Սաակաշվիլին լքեց Վրաստանը, իսկ 2015 թվականի գարնանը Ուկրաինայի նախագահ Պյոտր Պորոշենկոյի կողմից նշանակվեց Օդեսայի նահանգապետ՝ մինչ այդ նաև քաղաքացիություն ստանալով: 2016-ի նոյեմբերին, սակայն, Պորոշենկոն պաշտոնանկ արեց Սաակաշվիլիին՝ նշելով, որ նա ոչ միայն չի կատարել շրջանի զարգացման վերաբերյալ խոստումները, այլև զգալիորեն վատթարացրել է մարզի տնտեսական ցուցանիշները:
Հավելենք, որ Վրաստանում Միխայիլ Սաակաշվիլիի դեմ մի քանի քրեական գործ է հարուցված, որոնցից մի քանիսով նա հեռակա կարգով դատապարտվել է:
