03.04.2026 | 21:15
Արագ, պարզ, հասանելի․ «ՄՈԳՈ»-ն նոր մասնաճյուղ բացեց Mega Mall-ում
Վախճանվել է Ֆրանսիայի նախկին նախագահ Ժակ Շիրակը
26.09.2019 | 14:31
87 տարեկանում վախճանվել է Ֆրանսիայի նախկին նախագահ Ժակ Շիրակը: Այս մասին «Ֆրանս պրես»-ին հայտնել են քաղաքական գործչի ընտանիքի ներկայացուցիչները, գրում է ՏԱՍՍ-ը:
Ժակ Շիրակը Ֆրանսիայի նախագահի պաշտոնը զբաղեցրել է 12 տարի՝ 1995-2007 թվականներին:
Նշենք, որ 2006 թվականին Ժակ Շիրակը պաշտոնական այցով Հայաստան էր ժամանել:
Այցից առաջ տված հարցազրույցում Ֆրանսիայի նախագահն ասել էր. «Հայաստան գնալը հասարակ բան չէ: Դա նշանակում է գնալ մի վայր, որը, անկասկած, աշխարհի ծագման ակունքներում է եղել: Դա նշանակում է հանդիպում հնդեվրոպական առաջին և մեծագույն քաղաքակրթություններից մեկի հետ, վերջապես հանդիպում՝ դարեր շարունակ Ֆրանսիայի բարեկամ ժողովրդի հետ, որը, ինչպես ֆրանսիացիները լավ գիտեն, դյուրին ճակատագիր չի ունեցել»:
