02.07.2026 | 11:57
Եթե ՌԴ-ն փակի իր շուկան ՀՀ-ի առաջ, ԵՄ-ն կբացի դուռը 450 միլիոնանոց շուկայով․ ֆոն դեր Լայեն․ ՏԵՍԱՆՅՈՒԹ
ԵՏՄ-ն ու Հայաստանը Սինգապուրի հետ ազատ առևտուր կանեն․ նախագիծը գործադիրը հաստատեց
Տնտեսություն
26.09.2019 | 13:31
ԵԱՏՄ-Սինգապուր համաձայնագրին ու հարակից փաստաթղթերի փաթեթին Կառավարությունն այսօրվա նիստում հավանություն տվեց։
Ըստ նախագիծը Կառավարության հավանությանը ներկայացնող Էկոնոմիկայի նախարար Տիգրան Խաչատրյանի՝ այս փաստաթղթով նախատեսվում է կողմերի փոխազդեցության բազմակողմ զարգացման պարտավորություն, որի նպատակն է ապրանքների և ծառայությունների առևտրի խթանումը, կոոպերացիայի ընդլայնումը, ինչպես նաև կապիտալ ներդրումների, ընկերությունների հիմնադրման և գործունեության պաշտպանության ժամանակակից ստանդարտների ապահովումը։
Նախատեսվում է համաձայնագրի վավերացումից հետո ԵՏՄ անդամ պետությունների ու Սինգապուրի համար սահմանել ապրանքների, ծառայությունների և ներդրումների շուկա մուտքի ազատականացման փոխադարձ պարտավորությունների միասնական փաթեթ։
Բայց մինչ այդ, ընդհանուր համաձայնագրից բացի, դրա շրջանակում ԵՏՄ անդամ բոլոր երկրները պետք է նաև առանձին երկկողմ համաձայնագրեր կնքեն Սինգապուրի Հանրապետության հետ։
Հիշեցնենք, որ համաձայնագիրը մշակվել է դեռ 2016 թվականին ու համակարգում է առևտրի ու այլ ոլորտների համագործակցությունը։
