19.12.2025 | 23:07
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
Կոչ ենք անում բոլոր մեծահասակներին արհեստականորեն չազդել աշակերտների որոշումների կայացման վրա. Արայիկ Հարությունյան
Հասարակություն
20.09.2019 | 13:54
ՀՀ կրթության, գիտության, մշակույթի և սպորտի նախարարությունը ֆեյսբուքյան իր էջում հայտարարություն է տարածել, որով տեղեկացնում է, որ Վայոց ձորի մարզի որոշ դպրոցներում իրավիճակի թեժացման փորձերը ՀՀ կրթության, գիտության, մշակույթի և սպորտի նախարարությունը մտահոգիչ է համարում։
«Մեր աշակերտն արդեն ապացուցել է, որ իր իրավունքները պաշտպանելու և դրանց համար պայքարելու համար ունի բավարար կամք և ունակություններ։ Հաշվի առնելով այս փաստը՝ կոչ ենք անում բոլոր մեծահասակներին զերծ մնալ երեխաների զգացմունքները շահարկելուց և արհեստականորեն չազդել նրանց որոշումների կայացման վրա։ Մեր նպատակն անկախ և կրթված քաղաքացու ձևավորումն է, և ցանկալի է, որ բոլորիս գործողություներն ուղղված լինեն ծառայելու այդ գաղափարին՝ առանց այն արժեզրկելու։
Միաժամանակ նշում ենք, որ արձանագրված բոլոր մտահոգությունները կուսումնասիրվեն մեր կողմից և կտրվեն համապատասխան գնահատականներ, անհրաժեշտության դեպքում՝ կձեռնարկվեն միջոցներ»,- ասված է հաղորդագրությունում:
Նշենք, որ այսօր Ջերմուկում դասադուլ էր հայտարարվել՝ ի պաշտպանություն Ամուլսարի հանքի չշահագործման: Factor.am-ի հետ զրույցում երեխաներից մեկն ասել էր, որ «Տնօրենն ասել ա, որ ինձ դպրոցից կհանի», իսկ աշակերտներից ոմանք էլ նշել էին, որ «Ուսուցիչները սպառնացել են, թույլ չտալով մասնակցել դասադուլին»:
