05.08.2026 | 23:19
Արգենտինայի Պատգամավորների պալատում կազմավորվել է Հայաստանի հետ բարեկամության խումբ
Մեզ քննադատում է ոստիկանապետ, որը մանկապարտեզ է սեփականաշնորհել. Էդմոն Մարուքյան. ՏԵՍԱՆՅՈՒԹ
Քաղաքականություն
17.09.2019 | 12:52
ԱԺ «Լուսավոր Հայաստան» խմբակցության ղեկավար Էդմոն Մարուքյանը դժգոհ է երեկ առաջին ընթերցմամբ խորհրդարանի կողմից ընդունված ԱԱԾ-ի և Ոստիկանության մասին օրենքներում փոփոխություններ կատարելու վերաբերյալ ԼՀԿ-ի ներկայացրած նախագծին առնչվող լրատվամիջոցների լուսաբանումից:
«Մամուլը լուսաբանել է հետևյալ կերպ, որ «Լուսավոր Հայաստանը» բերել է մի նախագիծ, ըստ որի՝ ով ուզի, կրկնում եմ՝ ով ուզի՝ կարող է դառնալ ԱԱԾ պետ: Մինչդեռ, ըստ նախագծի, ԱԱԾ պետ և Ոստիկանության ղեկավար կարող է նշանակվել պատգամավորի չափանիշներին համապատասխան անձը»,- ասաց Մարուքյանը:
ԼՀԿ ղեկավարն ասում է՝ սա ակնհայտ հակաքարոզչություն է, տեղեկատվությունն աղավաղելու փորձ:
«Ես տեսա, որ նաև ինչ-որ նախկին ոստիկանների, մարդկանց էին մամուլում հարցեր տվել: Ինչ-որ մարդ էր մեզ քննադատում, որը, ասենք, Ոստիկանության մանկապարտեզը սեփականաշնորհել, շենք է կառուցել՝ նախկին ոստիկանապետը»,- ասաց Էդմոն Մարուքյանը:
Մանրամասները՝ տեսանյութում:
