07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Երկրում տիրում է Նիկոլի ռեժիմը. Շարմազանովը պահանջում է Քոչարյանին ազատ արձակել. ՏԵՍԱՆՅՈՒԹ
Քաղաքականություն
17.09.2019 | 12:13
Երևանի ընդհանուր իրավասության դատարանի Շենգավիթի նստավայրում այսօր դատավոր Աննա Դանիբեկյանը կհրապարակի ՀՀ 2-րդ նախագահ Ռոբերտ Քոչարյանի խափանման միջոցը փոխելու մասին նրա պաշտպանների ներկայացրած միջնորդության վերաբերյալ որոշումը:
Դատարանի բակում մեկնարկել են Քոչարյանի աջակիցների և ընդդիմադիրների մասնակցությամբ ակցիաները։
Քոչարյանի աջակիցներին սատարելու համար դատարանի բակ ժամանած ՀՀԿ խոսնակ Շարմազանովը Factor.am-ի հետ զրույցում ասաց, որ եկել է ևս մեկ անգամ փաստելու` Ռոբերտ Քոչարյանի անազատության մեջ գտնվելն անօրինական է։
«Սահմանադրական դատարանը, երբ որոշում կայացրեց, դրանից մեկ րոպե անց Ռոբերտ Քոչարյանը պետք է լիներ ազատության մեջ։ ՀՀ-ում չկա իշխանություն, ՀՀ-ում կա ռեժիմ՝ Նիկոլի, որը շանտաժով եկել է իշխանության և փորձում է կուլ տալ Սահմանադրական դատարանը, որը ժողովրդավարության վերջին բաստիոնն է»,- ասաց ՀՀԿ մամուլի խոսնակը։
Էդուարդ Շարմազանովը նշեց, որ Նիկոլ Փաշինյանն ու իր թիմակիցները զավթել են իշխանությունը, իսկ լրագրողի դիտարկմանը, որ հետքայլ արեց Ձեր իշխանությունը, Շարմազանովն արձագանքեց․ «Իսկ ի՞նչ էիք առաջարկում, քաղաքացիական պատերա՞զմ լիներ։ Եթե Նիկոլ Փաշինյանն ասում է կա՛մ ես կլինեմ վարչապետ, կա՛մ ՀՀ-ն վարչապետ չի ունենա, ինքը պետության մասին չէր մտածում, մենք էլ չմտածե՞ինք»։
Մանրամասները՝ տեսանյութում։
