04.07.2026 | 21:07
5 քաղաքական ուժեր հայտարարել են միասնական քաղաքական օրակարգ ձևավորելու մասին
ՀՀԿ-ի ներկայացուցիչները գեյ-ակտիվիստներ են, իրենք են ստորագրել Ստամբուլյան կոնվենցիան. Նիկոլ Փաշինյան. ՏԵՍԱՆՅՈՒԹ
Քաղաքականություն
16.09.2019 | 16:37
Հանրաքվեներ անցկացնելուց առաջ պետք է համոզված լինել, որ հանրությունը մանիպուլյացիաներից պաշտպանված է: Այսօր հրավիրված ասուլիսում ասաց ՀՀ վարչապետ Նիկոլ Փաշինյանը՝ պատասխանելով որոշ հարցերի շուրջ գոնե խորհրդատվական հանրաքվեներ անցկացնելու անհրաժեշտության մասին հարցին:
«Եթե մեկը մի պլաստմասե տուփ պետք է վերցնի և ասի, ահա՝ այստեղ ատոմային ռումբ է պայթել և Չեռնոբիլի մակարդակի ճառագայթման ֆոն կա, և այդ պայմաններում մենք պետք է հանրաքվե անցկացնե՞նք: Այն պայմաններում, երբ դա իրականության հետ ոչ մի առնչություն չունի: Կամ ասեն՝ Ստամբուլյան կոնվենցիան արվում է, որպեսզի գեյերի քարոզչություն արվի… Ուրեմն՝ նախընտրական քարոզարշավի ժամանակ ճիշտ ասացի, որ ուրեմն՝ Հանրապետականի կարկառուն ներկայացուցիչները գեյ-ակտիվիստներ են, որովհետև իրենք են ստորագրել Ստամբուլյան կոնվենցիան»,- ասաց Փաշինյանը:
Վարչապետի խոսքով, այսօր, երբ «լրատվամիջոցների 90%-ը գտնվում է կոռումպացված ռեժիմի հսկողության տակ, նրանք անպատասխանատու կարող են ամեն ինչ անել»:
«Բայց մենք մյուս կողմից չենք ուզում պրովոկացիաների տրվել, Հայաստանում մամուլի և խոսքի ազատությունը սահմանափակել, որովհետև ժողովրդավարությունը մեզ համար շատ կարևոր է»,- հավելեց նա:
Մանրամասները՝ տեսանյութում:
