Քաղաքականություն
16.09.2019 | 12:38ԱԺ «Իմ քայլը» խմբակցությունը նիստ է հրավիրելու, որպեսզի քննարկի Սահմանադրական դատարանի շուրջ ստեղծված իրավիճակը։ Այս մասին այսօր ԱԺ-ում լրագրողների հետ զրույցում ասաց «Իմ քայլը» խմբակցության ղեկավար Լիլիթ Մակունցը:
Հիշեցնենք, այսօր խորհրդարանի ամբիոնից ԱԺ նախագահ Արարատ Միրզոյանը, խոսելով ՍԴ-ում ստեղծված իրավիճակից, ասաց՝ կիսում է հանրության մտահոգությունները և համարում ՍԴ ինքնավարության դեմ ոտնձգություն:
Լիլիթ Մակունցն ասաց, որ իշխող ուժը ՍԴ-ի ճգնաժամը հանգուցալուծելու մի քանի տարբերակ ունի, բայց թե ո՞րը գործածության մեջ կդրվի, կորոշվի խմբակցության փակ նիստում: Մակունցը ձեռնպահ մնաց մանրամասնել, թե ի՞նչ տարբերակներ կան իրենց օրակարգում, բայց որ իշխանությունը որոշել է հանգուցալուծել այդ ճգնաժամը, միանշանակ է:
Մանրամասները՝ տեսանյութում:
Շողիկ Գալստյան
