04.02.2026 | 12:43
Առաջատար ծանրորդները կմասնակցեն Հայաստանի առաջնությանը
Արթուր Մանուկյանը Ազգային ժողովում պատգամավորի երդում տվեց
Քաղաքականություն
16.09.2019 | 11:58
Կենտրոնական ընտրական հանձնաժողովը ներկայացրել է ԱԺ պատգամավոր ընտրված և լիազորությունները վաղաժամ դադարեցրած պատգամավորի մանդատը հաջորդ թեկնածուին փոխանցելու մասին արձանագրություն, ըստ որի, մանդատը տրվում է «Իմ քայլը» դաշինքի համապետական ընտրական ցուցակի հաջորդ թեկնածու Արթուր Մանուկյանին։
Մանուկյանն ԱԺ ամբիոնից երդվեց՝ հանուն համազգային նպատակների իրականացման, հայրենիքի հզորացման և բարգավաճման՝ բարեխղճորեն կատարել ժողովրդի առջև ունեցած պարտավորությունները, պահպանել ՀՀ օրենքները և անել ամեն ինչ քաղաքացիական համերաշխության, ազգային ու համազգային արժեքների պահպանման համար։
Հիշեցնենք, որ ավելի վաղ ՀՀ ԱԺ պատգամավոր Էդգար Առաքելյանը հայտնել էր պատգամավորական մանդատից հրաժարվելու մասին։
«Երկար մտորումներից հետո որոշում եմ կայացրել պատգամավորական մանդատից հրաժարվելու մասին»,- ասել էր նա:
