15.12.2025 | 17:35
ԿԳՄՍՆ ենթակայության 18 մասնաճյուղ-թանգարաններ կմիանան Էլեկտրոնային տոմսերի միասնական ավտոմատացված համակարգին
Զինվորի հիմնադրամը փոխհատուցում կտրամադրի ոչ մարտական գործողության ժամանակ զոհված զինծառայողներին. ՏԵՍԱՆՅՈՒԹ
Հասարակություն
13.09.2019 | 12:55
Զինծառայողների ապահովագրության հիմնադրամն ընդլայնում է շահառուների շրջանակը: Այս մասին այսօր լրագրողների հետ զրույցում ասաց ՊՆ խոսնակ Արծրուն Հովհաննիսյանը:
Նրա խոսքով՝ հնարավորությունների մեծացմանը զուգահեռ՝ փորձել են մի քանի տարի հետ գնալ, որպեսզի հայրենիքի համար զոհված և հաշմանդամություն ձեռք բերած բոլոր զինծառայողների հնարավորությունները հավասարվեն:
«Բայց ինչքան էլ մենք շատ ուզենք դա անել, ցավոք, առայժմ հնարավոր չէ լուծել հիմնադրամի միջոցներով և օրենքի սահմաններում։ Եթե մենք մոտենալու ենք ներքին շեմին, իսկ մեզ համար շատ սկզբունքային է, որ հասնենք 1992 թվական, հասկանալի է, որ այդ դեպքում ունենալու ենք բավական մեծ թիվ։ Դրա համար համապատասխան գումար պետք է լինի։ Պետք է փորձենք խելամիտ առաջ շարժվել»,- ասաց բանախոսը։
Արծրուն Հովհաննիսյանն ընդգծեց, որ Պաշտպանության նախարարությունը հիմնադրամի գործունեության մասով նոր օրինագիծ է շրջանառության մեջ դրել։ Այն թույլ կտա հիմնադրամից հատուցումներ իրականացնել ոչ միայն առաջնագծում, այլ նաև ոչ առաջնագծում զոհված կամ հաշմանդամություն ստացած զինծառայողների ընտանիքներին։
«Մոտ մեկ տասնյակ շահառու ունենք, որոնք օրենքի ընդունումից հետո կհայտնվեն ցուցակներում», – նշեց Արծրուն Հովհաննիսյանը։
ՊՆ խոսնակն ասաց՝ ՀՀ Պաշտպանության նախարարությունում ստեղծվելու է հատուկ նոր մարմին, որը կզբաղվի ոչ միայն Զինծառայողների ապահովագրության հիմնադրամի, այլև վետերանների, ազատամարտիկների, պահեստազորի սոցիալական, ֆինանսական և առողջապահական խնդիրներով։ Միավորված մարմինը կոչվելու է Զինծառայողների առողջապահական, սոցիալական պաշտպանության և վետերանների հարցերով գլխավոր վարչություն:
Մանրամասները՝ տեսանյութում:
Նարեկ Կիրակոսյան
