20.12.2025 | 18:06
Ֆուտզալի միջազգային ընկերական մրցաշարի մասնակիցներից մեկը չի ժամանել Երևան
Դատարանի բակում ծագած միջադեպից հետո երեք անձ բերման է ենթարկվել
Հասարակություն
12.09.2019 | 19:22
Այսօր Ռոբերտ Քոչարյանի և մյուսների գործով դատական նիստի ավարտից հետո կայացած ծեծկռտուքի դեպքի առթիվ երեք անձ բերման է ենթարկվել և ևս մեկը հրավիրվել Ոստիկանության բաժանմունք: Այս մասին Factor.am-ին ասացին ՀՀ ոստիկանությունից՝ հավելելով, որ դեպքի առթիվ նյութեր են նախապատրաստվում:
Հիշեցնենք, որ դատարանի բակում միջադեպ էր գրանցվել «Ազգային համաձայնություն» կուսակցության նախագահ Արամ Հարությունյանի և մի կնոջ միջև: Ըստ Հարությունյանի՝ կինն իրեն անիծել է, ինքն էլ հարվածել է այդ կնոջը:
Այս միջադեպից հետո միջադեպ ծագեց նաև Մարտի 1-ի զոհերի հարազատների և Արամ Հարությունյանի միջև: Մեկ այլ քաղաքացու էլ շտապօգնության պատգարակով հեռացրին դատարանի բակից: Ըստ ականատեսների՝ նրան ևս Քոչարյանի աջակիցներն էին ծեծել:
Լիլիթ Շաբոյան
