05.07.2026 | 22:44
Աշխարհի առաջնությունների պատմության մեջ առաջին անգամ ֆուտբոլիստի կարմիր քարտը չեղարկվել է
Ի՞նչ արդյունքներ տվեցին Աշտարակի դպրոցի տնօրենի, մարզպետի և ԿԳՆ ներկայացուցչի բանակցությունները
Հասարակություն
26.09.2017 | 17:15
Ինչպես տեղեկացրել ենք, Աշտարակի Վարդգես Պետրոսյանի անվան հիմնական դպրոցի ծնողական խորհուրդը այսօրվանից անժամկետ դասադուլ է հայտարարել: Պատճառն այն է, որ դպրոցը նախատեսված է 200 աշակերտի համար, մինչդեռ այսօր դպրոցում կրթություն է ստանում շուրջ 602 աշակերտ:
Դպրոցը չունի գրադարան, ինֆորմատիկայի, շախմատի և տեխնոլոգիայի դասասենյակներ, բուֆետ, դահլիճ և մարզադահլիճ, բավարար քանակով սանհանգույցներ: 2016-2017 ուսումնական տարում տեղ չլինելու պատճառով եղել է երկու առաջին դասարան` 37-ական աշակերտով: Այս տարի էլ դպրոցն ունեցել է 56 շրջանավարտ և 76 առաջին դասարանցի։
Այսօր Կրթության և գիտության նախարարության հանրակրթության վարչության պետ Աշոտ Արշակյանը և Արագածոտնի մարզպետ Աշոտ Սիմոնյանն այցելել էին դպրոց՝ տեղում ծանոթանալու իրավիճակին, ապա դպրոցի տնօրեն Գրիշա Գևորգյանի, մանկավարժներից մեկի և ծնողական խորհրդի ներկայացուցչի հետ մարզպետարանում քննարկում ծավալել։
Մանրամասները՝ տեսանյութում։
Աննա Բաբաջանյան
