14.01.2026 | 15:57
Իրանի գլխավոր դատավորը չի բացառել արագացված դատավարությունները և ձերբակալված ցուցարարների զանգվածային մահապատիժները
Ձեր առջև կանգնած են ՀՀ լեգիտիմ իշխանությունները, ոչ թե նախկինները․ չխառնե՛լ․ Ռուբինյանը՝ Բաբաջանյանին․ ՏԵՍԱՆՅՈՒԹ
Քաղաքականություն
10.09.2019 | 13:38
Հայաստանը, երբ տեսնում է խնդիրներ, դրանք բարձրաձայնում է կա’մ հրապարակային հայտարարություններով, կա’մ աշխատանքային հանդիպումների ֆորմատով: Այս մասին այսօր խորհրդարանում, անդրադառնալով պատգամավոր Արման Բաբաջանյանի դիտարկմանը, որ Ռուսաստանը ոտնձգություն է կատարում ՀՀ ինքնիշխանության նկատամամբ, իսկ մեր իշխանությունը ծպտուն չի հանում, ասաց «Իմ քայլը» խմբակցության պատգամավոր Ռուբեն Ռուբինյանը։
Իշխանական պատգամավորը նշեց, որ երբ Արման Բաբաջանյանը խոսում է այդ խնդիրների մասին բարձրաձայնելու իշխանության համարձակության պակասի մասին, ապա պետք է հիշի, որ նրա առաջ կանգնած է նոր Հայաստանի լեգիտիմ իշխանությունը և ոչ նախկինը։ «Ես հորդորում եմ նման լեզու մեր հանդեպ չկիրառել, որովհետև ՀՀ իշխանությունները բազմիցս ապացուցել են, որ չունեն ոչ մի կաշկանդվածություն բարձրաձայնելու մեր շահերից բխող հարցերը, այդպես լինելու է միշտ։ Խնդրում եմ, այսուհետ, չխառնել սա»,- խոսքը եզրափակեց Ռուբինյանը։
Մանրամասները՝ տեսանյութում։
Աղավնի Սուքիասյան
