24.04.2026 | 23:32
Կապանում ջրանջատում կլինի
Երկրորդային շուկայից եկամտահարկի վերադարձով բնակարան գնելու նախագիծը ծնվել է դեռ «Ելք» դաշինքում․ Մանե Թանդիլյան․ ՏԵՍԱՆՅՈՒԹ
Տնտեսություն
09.09.2019 | 11:35
Ազգային ժողովն այսօր խորհրդարանի լիագումար նիստի օրակարգ չընդգրկեց «Լուսավոր Հայաստան» խմբակցության ներկայացրած օրենսդրական նախաձեռնությունը, որով առաջարկվում է փոփոխություն կատարել և բացահայտել հանքերի սեփականատերերին՝ հրապարակելով 100 տոկոսանոց տեղեկատվություն։
Խմբակցության մեկ այլ նախագիծ ևս՝ մարզերում երկրորդային շուկայից բնակարան գնելու պարագայում եկամտահարկը վերադարձնելու վերաբերյալ, խորհրդարանը նույնպես չընդգրկեց լիագումար նիստերի օրակարգում։
Խմբակցության պատգամավոր Մանե Թանդիլյանը ներկայացված նախագծերի վերաբերյալ նշեց, որ երկրորդային շուկայից բնակարան գնելու և եկամտահարկով վարկերի տոկոսները մարելու գաղափարը ծնվել է դեռ նախորդ գումարման Ազգային ժողովում, այդ նախագիծը ծնվել է «Ելք» դաշինքում՝ բոլոր երեք ուժերի համատեղ աշխատանքի արդյունքում՝ հիմքում դնելով մարզերի՝ եկամտահարկ վճարող բնակիչների դժգոհությունը։
«Ես կարծում եմ, մենք պետք է մեր օրակարգերում քննարկենք մեր երկրի առաջ ծառացած մարտահրավերների լուծումները, այս առումով մեր օրակարգը պետք է հագեցած լինի նման խնդիրների լուծումներով, և այս օրենքի նախագիծը միտված էր նման խնդիրներից մեկը լուծելուն»,- ասաց Թանդիլյանը։
Մանրամասները՝ տեսանյութում։
Աղավնի Սուքիասյան
