10.09.2026 | 18:28
ՊՊԾ-ն հողերի օտարման գործընթացներում խախտումներ և չարաշահումներ է արձանագրել․ որքան վնաս է տրվել պետությանը
Հայաստանում ռուսերենը օտար լեզվի կարգավիճակ է ստացել, բայցև ռուսաց լեզվի ուսուցման հայեցակարգ է մշակվել. Լևոն Մկրտչյանը՝ ТАСС-ին
Հասարակություն
25.09.2017 | 18:26
Ռուսաց լեզուն այսուհետ Հայաստանում օտար լեզվի կարգավիճակ ունի. այս մասին ТАСС-ի թղթակցին ասել է ՀՀ ԿԳ նախարար Լևոն Մկրտչյանը:
Նախարարի խոսքով՝ «Հայաստանի միակ պետական լեզուն կա և կմնա հայերենը, քանի որ մենք անկախ, ինքնիշխան պետություն ենք»:
«Դա աքսիոմատիկ ճշմարտություն է: Մնացած բոլոր լեզուներն օտար լեզուներ են»,- ընդգծել է նա:
Ինչպես հիշեցրել է նախարարը, դեռ խորհրդային ժամանակներում ռուսերենը «Հայաստանում լայն տարածում է ունեցել, սակայն մինչ օրս ոչ մի կարգավիճակ չունի»:
«Օրինակ, այսօր մեր երեխաները, երբ բուհ են դիմում «օտար լեզու» առարկայի համար՝ անգլերենի, ֆրանսերենի, գերմաներենի, իսպաներենի կամ իտալերենի քննություն են հանձնում: Ռուսերենը այդ ցանկում ներառված չէ, և դիմորդները չեն կարող ռուսերենի քննություն հանձնել: Այսուհետ, սակայն, մենք ֆիքսում ենք, որ ռուսերենը Հայաստանում ունի օտար լեզվի կարգավիճակ»,- ընդգծել է նախարարը:
Հայաստանի կրթության նախարարությունը ռուսաց լեզվի ուսուցման հայեցակարգ է մշակել, որը դրվել է հանրային քննարկման: Ըստ հայեցակարգի՝ նախատեսված են ռուսական դպրոցների բացում, ռուսերենի խորացված ուսուցմամբ դասարանների թվի ավելացում:
«Սա կարևոր է, քանի որ Հայաստանում ռուսերենն ամենատարածվածն է: Ռուսերենը պարտադիր դասավանդվում է 2-րդ դասարանից սկսած՝ բացառապես բոլոր դպրոցներում: Այն ԱՊՀ-ի, այժմ նաև Եվրասիական տնտեսական միության աշխատանքային լեզուն է»,- ասել է նախարարը:
«Այսօր ռուսերենի դասավանդումը նախատեսված է փոքր լսարանի և շաբաթական շատ ժամերի համար: Այժմ մենք աշխատում ենք մեծ լսարանի և հայ երիտասարդներին ռուսերենը՝ որպես օտար լեզու ուսուցանելու շուրջ»,- նշել է Մկրտչյանը:
