14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Երևանում 2.5 տարեկան երեխա է ընկել 6-րդ հարկից. նա այժմ վերակենդանացման բաժնում է (թարմացված)
05.09.2019 | 11:58
12:32
«Սուրբ Աստվածամայր» ԲԿ-ի խոսնակ Գևորգ Դերձյանը ֆեյսբուքի իր էջում արված գրառմամբ տեղեկացրել է, որ երեխան անգիտակից վիճակով տեղափոխվել է «Սուրբ Աստվածամայր» ԲԿ-ի վերակենդանացման բաժանմունք: Այժմ հետազոտվում է:
Երեխայի առողջության մասին հետազոտումից հետո կտրվի լրացուցիչ տեղեկություն:
ՀՀ ԱԻՆ-ից տեղեկացնում են, որ սեպտեմբերի 5-ին, ժամը 10:32-ին «911» ծառայություն ահազանգ է ստացվել, որ Երևանի Թումանյան 32 հասցեում գտնվող շենքի բակում նկատել են 2.5 տ երեխայի, ով, ըստ նախնական տվյալների, ընկել է նույն շենքի 6-րդ հարկից. անհրաժեշտ է փրկարարների օգնությունը:
«Դեպքի վայր են մեկնել ԱԻՆ ՓԾ Երևան քաղաքի փրկարարական վարչության ճգնաժամային կառավարման ազգային կենտրոնի արագ արձագանքման և օպերատիվ խմբերը, հոգեբանական աջակցության բաժնի հոգեբանական խորհրդատվության գծով հրահանգիչը և հրշեջ-փրկարարական ջոկատից մեկ մարտական հաշվարկ:
Երեխան հոսպիտալացվել է «Սուրբ Աստվածամայր» ԲԿ:
Կտրվի լրացուցիչ տեղեկություն»,- ասված է հաղորդագրությունում:
