25.08.2026 | 15:34
Կրիչներ են առգրավել, էական բան չկա. Էրիկ Ալեքսանյան․ ՏԵՍԱՆՅՈՒԹ
ԱԺ խմբակցությունների աշխատակազմերն ընդլայնվում են. որքա՞ն կվճարեն հարկատուները
Քաղաքականություն
04.09.2019 | 20:50
Ազգային ժողովի խմբակցությունների աշխատակազմը կընդլայնվի: 14-ից ավելի պատգամավոր ունեցող խմբակցությունների փորձագետների հաստիքների թիվը կդառնա հինգ, եթե գործադիրն ԱԺ-ից ուղարկված այս նախագծին հավանություն տա:
Մինչ այս, 14-ից ավելի պատգամավոր ունեցող խմբակցությունների փորձագետների թիվը չորսն էր: Կառավարությունն այս նախագծին նախարարական կոմիտեի նիստում դրական եզրակացություն է տվել և, հավանաբար, վաղն էլ այն կընդունվի Կառավարության նիստի ժամանակ:
Նշենք, որ նախագծի համաձայն, փորձագետների թիվն ավելացնելով, մեկ տարվա կտրվածքով ԱԺ-ի ծախսերն ավելանալու են հինգ միլիոն դրամով: Ըստ էության, ԱԺ երեք խմբակցություններն էլ կօգտվեն այս արտոնությունից, քանի որ ամենաքիչ պատգամավորներ ունեցող խմբակցությունը բաղկացած է 18 անդամից:
ՀՀ ԱԺ խմբակցությունների փորձագետները հիմնականում կատարում են վերլուծական և հետազոտական աշխատանքներ, տալիս են եզրակացություններ օրենսդրական նախագծերի վերաբերյալ, մասնակցում դրանց ստեղծմանը, աջակցում խմբակցության պատգամավորների առաջարկներին ու քաղաքացիների բարձրացրած խնդիրներին օրենսդրական լուծումներ տալուն:
Նարեկ Կիրակոսյան
