06.10.2026 | 17:17
«Կողք կողքի» միջազգային ներառական փառատոնի մասնակիցները Ազատության հրապարակում հանդես են եկել անվանի արտիստների հետ
«Երեխաների քաղաք»-ը որևէ կերպ չի նպաստելու ներառականությանը․ ՄԻՊ ներկայացուցիչ. ՏԵՍԱՆՅՈՒԹ
Հասարակություն
04.09.2019 | 16:29
«Երեխաների քաղաք» ծրագրի իրագործումը որևէ կերպ չի նպաստելու Հայաստանում հաշմանդամություն ունեցող երեխաների ներառական կրթության զարգացմանը։ Այս մասին այսօր՝ «Երեխաների քաղաք» ծրագրի իրականացման համար հողատարածքի հատկացման ՀՀ կառավարության որոշումը վերանայելու պահանջի թեմայով ասուլիսի ընթացքում լրագրողների հետ զրույցում նշեց ՄԻՊ Երեխաների պաշտպանության բաժի պետ Էդուարդ Իսրայելյանը։
«Երեխայակենտրոն քաղաքի կոչումը շատ երկրներում ստանում են Յունիսեֆի կողմից և բավարարում են սահմանված բոլոր պահանջները, և դա որևէ կերպ չի նախատեսում մեկուսացված, առանձին բնակավայրի կառուցում։ Եթե հաշմանդամություն ունեցող երեխաները հաճախելու են նույնիսկ ամենալավ պայմաններն ունեցող հարմարեցված դպրոցը, սակայն չեն շփվելու մնացած երեխաների հետ, սա էլի նպաստելու է մեկուսացմանը»,- ընդգծեց ՄԻՊ ներկայացուցիչը։
Նրա խոսքով՝ Մարդու իրավունքների պաշտպանի գրասենյակի հայտնած կարծիքը, մինչև հրապարակավ ներկայացնելը, Կառավարություն են ուղարկել ու քննարկում անցկացրել՝ նախարարությունների ներկայացուցիչների հետ։ Հետամուտ են լինելու, որ ծրագիրն այս տեսքով չիրականացվի։
Մանրամասները՝ տեսանյութում:
Նելլի Մելքոնյան
