31.10.2026 | 15:35
Առաջիկա օրերին հանրապետության առանձին շրջաններում անձրև կտեղա
Քոչարյանի թիկնապահները զուգարանում ծեծում էին 2 տղամարդու. Պողոս Պողոսյանի սպանության ականատեսը մանրամասներ է հայտնում. ՏԵՍԱՆՅՈՒԹ
Հասարակություն
04.09.2019 | 13:56
Սահմանադրական դատարանի շենքի առջև այսօր անցկացվող բողոքի ակցիային մասնակցում է նաև 2001 թվականի սեպտեմբերին Երևանի «Առագաստ» սրճարանում Պողոս Պողոսյանի սպանության ականատեսներից, օտարերկրացի Սթիվեն Նյուտոնը:
Փաստաբան Լուսինե Հակոբյանի վստահորդը պատմեց, որ այդ օրը երեկոյան մի խումբ ընկերների հետ ճաշում էր «Առագաստ»-ում, երբ սրճարան եկան Ռոբերտ Քոչարյանն ու Շառլ Ազնավուրը:
«Բոլորը շատ երջանիկ էին, իհարկե, նրանց տեսնելու համար: Երկու անձ մոտեցան Քոչարյանին, երբ նա արդեն գնում էր, կարծես նրա գյուղից էին: Այդ ժամանակ նա գնում էր իր թիկնապահների հետ, և թիկնապահները հետո հետ եկան: Ես այդ ժամանակ գնալու էի երկրից, բայց ստիպված էի միջամտել, որովհետև կինս ասաց, որ նրանք սպանելու են այս մարդուն: Ես մտա զուգարան, այնտեղ երկրորդին ևս ծեծում էին: Մյուս անձի մարմինը զուգարանից դուրս էր գտնվում, և ակնհայտ էր, որ լուրջ ծեծի է ենթարկվել, որովհետև գլուխն ուռել էր: Րոպեներ անց նա մահացավ»,- պատմեց իրադարձությունների ականատեսը:
Ըստ Սթիվեն Նյուտոնի՝ սրճարանի սրահ վերադառնալիս տեսել է արդարադատության նախարարին. «Ասացի՝ անմիջապես ձերբակալեք նրանց, բայց նա անջատեց հեռախոսը, դրեց գրպանն ու հեռացավ այդտեղից: Քանի որ մեկնելու էի, հայտարարություն գրեցի և ուղարկեցի դատարան: Բայց դատարանն այն չընդունեց, որովհետև անգլերեն էր գրված»:
Նա նշեց, որ այդ նամակի պատճենն անցյալ տարվա հոկտեմբերին ուղարկել է նաև Նիկոլ Փաշինյանին, բայց պատասխան չի ստացել:
Մանրամասները՝ տեսանյութում:
