07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
ԵՊԲՀ-ն հայցադիմում է նախապատրաստում Արսեն Թորոսյանի դեմ
Հասարակություն
04.09.2019 | 13:53
Երևանի Մխիթար Հերացու անվան պետական բժշկական համալսարանի կողմից դատական հայց կներկայացվի առողջապահության նախարար Արսեն Թորոսյանի դեմ։ Factor.am-ի հետ զրույցում ԵՊԲՀ մամուլի խոսնակ Շուշան Դանիելյանը նշեց, որ ներկայում իրավաբանները նախապատրաստում են հայցադիմումը։ Թե ի՞նչ պահանջ է պարունակելու հայցադիմումը, կհայտարարեն ավելի ուշ:
«Մեր պատկերացմամբ՝ օրինական, ազատ, անկախ Հայաստանում նմանատիպ հարցերին պետք է տրվեն իրավական գնահատականներ: Այս փուլում պատրաստվում է հայցադիմումը»,- ասաց Դանիելյանը։
Հիշեցնենք, որ մամուլում գրվել էր այն մասին, որ ԵՊԲՀ-ն պաշտոնական դիրքի չարաշահման փաստ է դիտարկել այն, որ նախարար Արսեն Թորոսյանը ֆեյսբուքյան ուղիղ եթերով և Հանրային հեռուստաընկերության եթերում հայտարարել է, որ ցանկացել է փոխել բուհի հոգաբարձուների խորհրդի կազմը:
Առողջապահության նախարար Արսեն Թորոսյանի դեմ ԵՊԲՀ-ի հայցադիմումի վերաբերյալ Factor.am-ը փորձեց մեկնաբանություն ստանալ նախարարությունից։ Մեզ հետ զրույցում նախարարի խոսնակ Ալինա Նիկողոսյանը նշեց․ «Քանի դեռ ԵՊԲՀ-ի հայցադիմումը չենք ստացել և չգիտենք՝ ինչ պահանջ է դրանում ներկայացված, որևէ մեկնաբանություն չենք անի։ Երբ հայցադիմումը կստանանք, հանդես կգանք անհրաժեշտ մեկնաբանությամբ»։
Աղավնի Սուքիասյան
