03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
Բացել տնտեսվարողների թթվածինն ու վերացնել անհավասարությունը․ ինչ է առաջարկում ԲՀԿ-ական պատգամավորը․ ՏԵՍԱՆՅՈՒԹ
Տնտեսություն
04.09.2019 | 13:29
Ազգային ժողովի «Բարգավաճ Հայաստան» խմբակցության պատգամավոր Միքայել Մելքումյանն առաջարկում է փոփոխություն կատարել Հարկային օրենսգրքում, ըստ որի՝ «Բաց թողնում՝ ներքին սպառման համար» մաքսային ընթացակարգով Հայաստանի երրորդ երկրներից ներմուծվող ապրանքների համար հաշվարկված ԱԱՀ-ի գումարները պետական բյուջե են վճարվում մինչև մաքսային ընթացակարգով ապրանքների բաց թողնումը՝ որպես մաքսային մարմնին վճարվող գումարներ։
Մելքումյանն առաջարկում է բացել տնտեսվարողների թթվածինն ու ԵՏՄ անդամ պետություններից Հայաստան ներմուծվող՝ ԵՏՄ ապրանքի կարգավիճակ ունեցող ապրանքների համար ԱԱՀ-ի գումարները վճարելու ընթացակարգին համահունչ նաև 3-րդ երկրից ներմուծելու դեպքում ԱԱՀ-ի վճարման համար ժամկետ սահմանել ներմուծելու օրն ընդգրկող ամսվան հաջորդող ամսվա 20-ը ներառյալ՝ որպես հարկային մարմնին վճարվող գումարներ:
Ըստ պատգամավորի՝ ներկայիս գործող կարգավորումը շրջանառու միջոցների օգտագործման որոշակի անհավասարություն է առաջացնում նույն տեսակի ապրանքները ԵՏՄ-ից և երրորդ երկրներից ներմուծող կազմակերպությունների համար, իսկ օրենքի նախագծի ընդունման դեպքում ներմուծվող ապրանքներից առնվազն սննդամթերքի հիմնական տեսակների գծով այս անհավասարությունը կչեզոքացվի՝ նպաստելով ներմուծող կազմակերպություններում շրջանառու միջոցների ավելացմանը:
Մանրամասները՝ տեսանյութում:
Աղավնի Սուքիասյան
