Գյումրիի գիշերօթիկների երեխաները կշարունակեն հաստատություններ հաճախել՝ մինչև դրանց լուծարումը

Լուրեր

10.01.2025 | 23:14
ՊԵԿ նախագահն ընդունել է Հնդկաստանի դեսպանին
10.01.2025 | 23:00
Թուրքիան արգելափակել է կառավարությանը քննադատող 7 լրատվական կայքերի մուտքը
10.01.2025 | 22:44
Իսրայելի պաշտպանության նախարարը կարգադրել է ՀԱՄԱՍ-ին ջախջախելու ծրագիր նախապատրաստել
10.01.2025 | 22:29
Հայաստանի մի շարք հասցեներում էլեկտրաէներգիայի անջատումներ կլինեն
10.01.2025 | 22:13
Ադրբեջանական SOCAR-ը վաճառել է Թուրքիայի գազաբաշխման իր 2 խոշորագույն ընկերությունները
10.01.2025 | 22:00
ԹԵԺ ԲԱՆԱՎԵՃ․ Ալիևի սպառնալիքն ու Փաշինյանի պատասխանը, ի՞նչ սպասել ԵՄ-ին անդամակցելու որոշումից հետո. ՏԵՍԱՆՅՈՒԹ
10.01.2025 | 21:45
Փաշինյանի գլամուրային բլոգը` Ալիևի սպառնալիքների ֆոնին. ինչի է ձգտում ՀՀ վարչապետը. ՏԵՍԱՆՅՈՒԹ
10.01.2025 | 21:29
Լրագրողներն ավելի քան 88 հազար ռուս զինվորների անուններ են պարզել, որոնք զոհվել են Ուկրաինայի դեմ պատերազմում
10.01.2025 | 21:15
Դեղերը վաճառում են օրենք խախտելով․ Factor TV-ի շրջայցը դեղատներում. ՏԵՍԱՆՅՈՒԹ
10.01.2025 | 21:00
ԵՄ-ին անդամակցելու մեկնարկով՝ ՀՀ-ն վեկտոր չի փոխում, այլ՝ հասանելիություն ունենալ հարուստ շուկային, մրցունակ տնտեսություն․ Արման Եղոյան. ՏԵՍԱՆՅՈՒԹ
10.01.2025 | 20:43
Ուրսուլա ֆոն դեր Լեյենին չեն հրավիրել Թրամփի երդմնակալությանը
10.01.2025 | 20:28
Մերկասառույց և մառախուղ. իրավիճակը Հայաստանի ճանապարհներին
10.01.2025 | 20:13
Նիկոլաս Մադուրոն երրորդ անգամ ստանձնել է Վենեսուելայի նախագահի պաշտոնը
10.01.2025 | 20:00
ՀՅԴ-ն երբեք դեմ չի եղել ԵՄ-ի անդամ դառնալուն, 2017-ին է կնքվել CEPA-ն․ Քրիստինե Վարդանյան․ ՏԵՍԱՆՅՈՒԹ
10.01.2025 | 19:41
Լեհաստանը նպատակ ունի աջակցել Երևանի և Բաքվի միջև հարաբերությունների կարգավորմանը ԵՄ Խորհրդում նախագահության ընթացքում
Բոլորը

Գիշերօթիկ հաստատությունները լուծարելու՝ Աշխատանքի և սոցիալական հարցերի նախարարության առաջարկը բողոքի ալիք է բարձրացրել Գյումրիի այդ հաստատությունների աշխատակիցների ու շահառու երեխաների ծնողների շրջանում:

Նախարարության ներկայացրած նախագծի համաձայն, հիշեցնենք, նախատեսվում է լուծարել «Դիլիջանի երեխաների խնամքի և պաշտպանության գիշերօթիկ հաստատություն», «Բյուրեղավանի երեխաների խնամքի և  պաշտպանության գիշերօթիկ հաստատություն», «Գյումրու Ֆրիտյոֆ Նանսենի անվան երեխաների խնամքի և պաշտպանության N 2 գիշերօթիկ հաստատություն», «Գյումրու երեխաների խնամքի և պաշտպանության  N 1 գիշերօթիկ հաստատություն» ՊՈԱԿ-ները: Նախագիծն առայժմ քննարկման փուլում է, Կառավարությունն այս հարցով որոշում չի կայացրել:

Մինչ այդ, Գյումրիում նշում են այդ հաստատությունների փակման հետևանքների մասին: Որոշման ընդունման արդյունքում 150 աշխատակից գործազուրկ կդառնա, իսկ շահառու երեխաները կմնան առանց խնամքի:

Նախարարությունը որոշել է, որ երեխաները կշարունակեն հաճախել գիշերօթիկ հաստատություններ և օգտվել համապատասխան աջակցությունից՝ մինչև դրանց լուծարումը։

«Այն երեխաները, ովքեր բարձր ռիսկայնության գոտում են, կշարունակեն հաճախել գիշերօթիկ խնամքի հաստատություններ, մինչև դեկտեմբեր այդ երեխաների աջակցության փաթեթները կմշակվեն: Իսկ այն երեխաները, որոնք միջին կամ միջինից ցածր ռիսկայնության գոտում են, կօգտվեն գիշերօթիկի աջակցությունից՝ ստանալով գիրք, տետր, պայուսակ, սնունդ, սակայն գիշերը հաստատությունում չեն չքնի: Իրենց համար ևս  աջակցության փաթեթներ կկազմվեն»,- Factor.am-ի հետ զրույցում ասաց Շիրակի մարզպետարանի Ընտանիքի, կանանց և երեխաների իրավունքների պաշտպանության բաժնի պետ Լիլիթ Գորգինյանը։

Ընդանուր առմամբ, Գյումրիի երկու գիշերօթիկ հաստատություններում կա 132 երեխա: Մշակվում է նաև յուրաքանչյուր երեխայի ընտանիքի աջակցման համար անհատական հզորացման պլան, որը համաձայնեցվում է ծնողների հետ։ Արդեն կազմվել են աշխատանքային խմբեր, որոնք աշխատում են ընտանիքների հետ։

«Ամեն մեկին առանձին-առանձին աջակցություն պետք է ցուցաբերվի, այսինքն՝ հզորացնում ենք ընտանիքը, երեխան գնում է ընտանիք։ Մեկ ընդհանուր աջակցության մասին չէ խոսքը: Ամեն ընտանիքի իր կարիքին համապատասխան կտրամադրվի աջակցություն»,- ասաց Լիլիթ Գորգինյանը՝ հավելելով, որ Գյումրիի գիշերօթիկ հաստատություններ երեխաների նոր ընդունելություն չի լինելու։

«Եթե ամենաուշը դեկտեմբերի վերջին օրն է նշանակված, որ լուծարվեն  գիշերօթիկները, ապա ընդունվածների համար ավելորդ տրավմա կլինի, որ տարբեր ընթացակարգեր անցնեն»,- նշեց Շիրակի մարզպետարանի պաշտոնյան:

Գյումրիի գիշերօթիկ հաստատություններին կփոխարինի նորաստեղծ աջակցման կենտրոնը: Ակնկալվում է, որ այն կսկսի գործել մինչև տարեվերջ: Այլ մանրամասներ, սակայն, հայտնի չեն:

Նշենք, որ «Գյումրու երեխաների խնամքի և պաշտպանության թիվ 1 գիշերօթիկ հաստատությունն» ունի 71 աշխատակից ու 63 շահառու երեխա, իսկ «Գյումրու Ֆրիտյոֆ Նանսենի անվան երեխաների խնամքի և պաշտպանոթյան թիվ 2 գիշերօթիկ»-ը՝ 69 երեխա և 73 աշխատակից:

Էմմա Չոբանյան