08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
Իլհամ Ալիևը վատառողջ է. 10 օրից ավելի նա հանրությանը չի ներկայացել
Քաղաքականություն
03.09.2019 | 15:53
Ադրբեջանում լուրեր են պտտվում, որ նախագահ Իլհամ Ալիևը վատառողջ է։ Ադրբեջանական «Մուսաֆաթ» կուսակցության` երկուշաբթի կայացած նիստի ժամանակ քննարկվել են նաև համացանցում տարածվող լուրերը, թե Ալիևն առողջական խնդիրներ ունի։ Ըստ լուրերի՝ առողջական խնդիրների պատճառով Ադրբեջանի նախագահն օգոստոսի 24-ից հանրությանը չի ներկայացել, գրում է Turan.az-ը:
«Մուսաֆաթ» կուսակցությունում կարծում են, որ նախագահի առողջությանն ու աշխատունակությանն առնչվող հարցերը նրա անձնական գործը չեն, իշխանությունները հասարակությանը պետք է հստակ տեղեկություն փոխանցեն այդ մասին։
Ադրբեջանի իշխող «Նոր Ադրբեջան» կուսակցության գործադիր քարտուղարի տեղակալ Սիյավուշ Նովրուզովն իր հերքին հերքել է, որ Իլհամ Ալիևն առողջական խնդրներ ունի:
«Ես պաշտոնապես հայտարարում եմ, որ տարածվող բոլոր լուրերն անհիմն են։ Պետության ղեկավարն առողջ է ու ամեն օր առավոտյան ժամը 9-ին աշխատավայրում է լինում»,- ասել է Նովրուզովը։
Նշենք, որ Իլհամ Ալիևը տասը օրից ավելի հանրային որևէ միջոցառման չի մասնակցել, տեղեկություններ չկան նաև արտերկիր կատարվող այցերի մասին։
Էմմա Չոբանյան
