30.04.2026 | 19:47
Չեմպիոնների լիգայում հայտնի է շաբաթվա լավագույն ֆուտբոլիստը
Էրդողանը հայտարարել է Սիրիայում նոր գործողություն սկսելու պատրաստակամության մասին
Քաղաքականություն
02.09.2019 | 13:40
Թուրքիան վճռական է տրամադրված Սիրիայում՝ Եփրատ գետից դեպի արևելք ընկած տարածքն ահաբեկիչներից մաքրելու հարցում: Կոնյայում ելույթի ընթացքում այս մասին հայտարարել է Թուրքիայի նախագահ Ռեջեփ Թայիփ Էրդողանը, գրում է ՏԱՍՍ-ը:
«Մեր օրակարգում ներառված են Եփրատից արևելք ընկած հողերը: Այնտեղ ահաբեկիչների բներ կան, և մենք վճռական ենք տրամադրված դրանք ոչնչացնելու հարցում»,- ասել է Էրդողանը:
Հարևան Սիրիայում հերթական ռազմական գործողությունն անցկացնելու մասին թուրքական կողմը խոսում է մեկ տարի շարունակ: Անկարան ցանկանում է այնտեղ անվտանգության գոտի ստեղծել՝ սիրիացի փախստականներին վերադարձնելու և իր սահմանին պաշտպանական գոտի ստեղծելու համար: Ներկայում Թուրքիան այդ հարցով բանակցություններ է վարում ԱՄՆ-ի հետ:
Օգոստոսի 7-ին թուրք և ամերիկացի զինվորականներ պայմանավորվեցին Սիրիայում համատեղ գործողությունների կենտրոն ստեղծելու մասին: Օգոստոսի 12-ին Սիրիայի հետ սահմանից 50 կմ հեռավորությամբ գտնվող թուրքական քաղաք ժամանեց ԱՄՆ զինծառայողների առաջին խումբը, որոնք աշխատելու են այդ համակարգում:
