22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Մոտ մեկ շաբաթից պատրաստ կլինի Հայոց պատրիարքի ընտրության կազմակերպման վերաբերյալ Թուրքիայի կառավարության գրավոր կարգադրությունը
Քաղաքականություն
02.09.2019 | 12:18
Թուրքիայի ներքին գործերի նախարար Սուլեյման Սոյլուն հայտարարել է, որ մոտ մեկ շաբաթից պատրաստ կլինի Հայոց պատրիարքի ընտրության կազմակերպման վերաբերյալ կառավարության գրավոր կարգադրությունը. գրում է ermenihaber-ը:
Մինչ այդ՝ օգոստոսի 30-ին, Թուրքիայի նախագահ Ռեջեփ Թայիփ Էրդողանը ընդունելություն էր կազմակերպել, որին մասնակցել են նաև Պոլսո Հայոց պատրարքի տեղապահ Սահակ եպիսկոպոս Մաշալյանը և «Սուրբ Փրկիչ հայկական հիվանդանոց» հիմնադրամի նախագահ Պետրոս Շիրինօղլուն։
Սահակ եպիսկոպոս Մաշալյանը և Պետրոս Շիրինօղլուն հանդիպել են Էրդողանի հետ և կարճ զրույց ունեցել։ Թուրքիայի նախագահը հարցրել է, թե ինչպես են ընթանում պատրիարքի ընտրության աշխատանքները։ Մաշալյանը և Շիրինօղլուն պատասխանել են, որ սպասում են գրավոր կարգադրության։
Էրդողանը ներքին գործերի նախարար Սուլեյման Սոյլուից տեղեկություններ է պահանջել այդ առնչությամբ։ Վերջինս հայտնել է, որ մոտ մեկ շաբաթից կառավարության կողմից գրավոր կարգադրությունն արդեն պատրաստ կլինի։
