02.09.2026 | 10:25
Կաթողիկոսի գործով դատավոր Վահագն Մելիքյանի վերաբերյալ քրեական և կարգապահական վարույթ է կա
Գյումրիում աղբանոցի մոտ մահացած հայտնաբերված 1,5 տարեկան երեխայի մորը կասկածում են դստեր սպանության մեջ. ԳԴ
01.09.2019 | 17:10
Գյումրիում աղբանոցի մոտ մահացած հայտնաբերված 1,5 տարեկան երեխայի մորը կասկածում են դստեր սպանության մեջ։ Այս մասին հայտնում է ՀՀ Գլխավոր դատախազությունը։
Հիշեցնենք, որ Գյումրիի Բուլվարային թաղամասի աղբանոցում երեկ մոտ 1,5 տարեկան աղջիկ երեխայի դի է հայտնաբերվել:
Ոստիկանները կնոջը բերման էին ենթարկել Գյումրու Շիրակացի փողոցից։
Ըստ որոշ տեղեկությունների` մայրը երեխային նետել է մոտակա աղբարկղը, բայց նրա դին հայտնաբերել են քաղաքային աղբանոցում։
Հավանաբար, աղբատար մեքենան նրան` աղբի հետ միասին, տարել է Բուլվարային թաղամասի աղբանոց: Երեխային ձեռքերը և ոտքերը կպչուն ժապավենով կապկպված է եղել: Քննիչները միանգամից քրեական գործի համար նյութեր են սկսել պատրաստել։
Փոքրիկի մահվան հանգամանքները պարզելու համար դատաբժշկական փորձաքննություն է նշանակվել։
Գլխավոր դատախազությունում նշեցին, որ միջադեպի հիման վրա քրեական գործ է հարուցվել «սպանություն» հոդվածով։ Ոստիկանության աշխատակիցները հրահանգ են ստացել ձերբակալել հանցագործության մեջ մեղադրվող մորը։
Հետաքննության տվյալների համաձայն՝ կասկածյալն ամուսնալուծվել է մեկ ամիս առաջ, գործազուրկ է, հոգենևրոլոգիական դիսպանսերում հաշվառված չէ։
