02.09.2026 | 09:26
Ամենայն հայոց կաթողիկոսի և 6 եպիսկոպոսների գործը մակագրվել է դատավոր Վահագն Մելիքյանին
Կենտրոնի ոստիկանները խուլիգանության դեպք են բացահայտել
31.08.2019 | 17:26
Օգոստոսի 27-ին՝ ժամը 23.55-ին, հիվանդանոցից ոստիկանության Կենտրոնական բաժնում հաղորդում էր ստացվել, որ «քթի կոտրվածք, դեմքի և գլխի շրջանների պատռվածքներ» ախտորոշմամբ իրենց մոտ բուժօգնության է տեղափոխվել Շոպրոնի փողոցի 21-ամյա մի բնակիչ: Նա հայտնել էր, որ վնասվածքները ստացել է Իսահակյան փողոցում:
Մեկնած օպերատիվ խումբը պարզել է, որ նույն օրը՝ ժամը 18.30-ին, Իսահակյան փողոցում գտնվող համակարգչային սրահ այցելած մի քանի հաճախորդներ վիճաբանության ժամանակ ծեծել են 21-ամյա երիտասարդին և Աղայան փողոց բնակիչ նրա 24-ամյա ընկերոջը՝ պատճառելով մարմնական վնասվածքներ, որի ժամանակ հաճախորդներից մեկը, կոպիտ կերպով խախտելով հասարակական կարգը, իր մոտ եղած գազային ատրճանակից կրակել է ակումբի աշխատակիցների ուղղությամբ:
Օպերատիվ-հետախուզական միջոցառումների արդյունքում պարզվել է համկարգչային սրահում ատրճանակի գործադրմամբ խուլիգանություն կատարած անձանց ինքնությունը: Բացատրական աշխատանքների շնորհիվ օգոստոսի 30-ին` ժամը 17-ին, ոստիկանություն է ներկայացել նրանցից մեկը՝ Աբովյան փողոցի 20-ամյա բնակիչը և ներկայացրել հանցագործության գործիք հանդիսացող ատրճանակը: Նա ձերբակալվել է: Կատարվում է նախաքննություն:
