14.01.2026 | 21:27
Թուրքիայի ընդդիմադիր ազգայնական կուսակցության ղեկավարը Պոլսի Հայոց պատրիարքարան է այցելել
Օգոստոսի 27-ից 30-ը աշխատանքային այցով Հայաստանում էր ՌԴ պաշտպանության նախարարության ռազմական ոստիկանության պատվիրակությունը
30.08.2019 | 20:10
ՀՀ ՊՆ-ից տեղեկացնում են, որ օգոստոսի 27-ից 30-ը աշխատանքային այցով Հայաստանում էր Ռուսաստանի Դաշնության պաշտպանության նախարարության ռազմական ոստիկանության պատվիրակությունը՝ ՌԴ ՊՆ ռազմական ոստիկանության գլխավոր վարչության պետի տեղակալ, գեներալ-մայոր Վիտալի Կոխի գլխավորությամբ:
«ՀՀ ՊՆ ռազմական ոստիկանության պետ, գնդապետ Արթուր Բաղդասարյանի հետ հանդիպման ժամանակ պատվիրակության անդամները քննարկել են ռազմական ոստիկանության զինծառայողների մարտական և հատուկ պատրաստության վերաբերյալ մի շարք հարցեր: ՌԴ ՊՆ պատվիրակությունը հետևել է ՀՀ ՊՆ ռազմական ոստիկանությունում անցկացված ցուցադրական պարապմունքներին:
Այցի շրջանակում ՌԴ ՊՆ ՌՈ պատվիրակությունն այցելել է ՀՀ-ում տեղակայված ՌԴ 102-րդ ռազմակայան, հրամանատարության հետ քննարկել երկկողմ համագործակցության զարգացմանն ուղղված հարցեր:
ՌԴ ՊՆ ՌՈ պատվիրակությունը եղել է նաև Ծիծեռնակաբերդի հուշահամալիրում, հարգանքի տուրք մատուցել Հայոց ցեղասպանության սրբադասված նահատակների հիշատակին:
Պատվիրակության անդամներն այցելել են նաև Էջմիածին, ծաղիկներ խոնարհել Օշականի ճակատամարտում Մայր Աթոռ Էջմիածնի համար զոհված ռուս փրկարար-զինվորների հիշատակին կանգնեցված հուշակոթողի մոտ»,- ասված է հաղորդագրությունում:
