15.01.2025 | 22:27
Երևանում և 7 մարզում էլեկտրաէներգիայի անջատումներ կլինեն
Եթե իմ ձեռքի տակ եղած թվերն իրական են, ապա 2020 թվականից ավտոմաքսազերծումը ոչ թե ավելի թանկ, այլ ավելի էժան կլինի․ Տիգրան Հովհաննիսյան
Տնտեսություն
30.08.2019 | 15:27
Նամակ եմ հղել ՌԴ նախագահ Վլադիմիր Պուտինին։ Ինձ նրա գրասենյակից ուղղորդել են Հայաստանի կառավարություն։ Ուզում եմ հասկանալ՝ եթե ավտոմեքենաների ներկրման մաքսային նոր սակագների վերաբերյալ մեր Կառավարությունն արդեն որոշում ունի, ինչո՞ւ մինչ այժմ հանրային կերպով այդ մասին չի ասվել. այս մասին այսօր հրավիրված ասուլիսի ընթացքում նշեց Ավտովարորդների պաշտպանության լիգայի նախագահ Տիգրան Հովհաննիսյանը։
«Զանգահարել և խոսել եմ փոխվարչապետ Մհեր Գրիգորյանի օգնականի հետ և հարցրել՝ արդյոք ավտոմաքսազերծման այն չափանիշները, որոնք ՌԴ-ից ինձ են ուղարկել՝ ի պատասխան իմ նամակի, հաստատվա՞ծ են Հայաստանի կառավարության կողմից։ Եթե այո, դրանք միայն Հայաստանի՞ն են վերաբերելու, թե Եվրասիական տնտեսական միության անդամ բոլոր երկրներին»,- ասաց Տիգրան Հովհաննիսյանը։
Ավտովարորդների պաշտպանության լիգայի նախագահի խոսքով՝ իր ձեռքի տակ եղած նամակի մեջ նշված դրույքաչափերը զարմանալի են, և, եթե Հայաստանի կառավարությունը նման որոշում ընդունի, կստացվի, որ 2020 թվականից հետո ավտոմաքսազերծումը ոչ թե թանկ, այլ ավելի էժան կլինի։
Մանրամասները՝ տեսանյութում:
Նելլի Մելքոնյան
