12.06.2026 | 17:21
Անիմաստ է լռության օրվա պահպանումը. արհեստական սահմանափակում է. Բորիս Նավասարդյան․ ՏԵՍԱՆՅՈւԹ
Պարո՛ն Գրիգորյան, ջերմուկի արտադրությո՞ւնն էլ է Ջերմուկի շրջակա միջավայրին վնաս․ վարչապետը՝ նախարարին․ ՏԵՍԱՆՅՈՒԹ
Տնտեսություն
29.08.2019 | 13:58
Կառավարությունը օգոստոսի 29-ի նիստում հերթական հարկային արտոնությունը տրվեց գործարար Աշոտ Արսենյանին պատկանող «Ջերմուկ Գրուպ» ՓԲԸ-ին՝ 20 միլիարդ 70 մլն դրամի ներդրման դիմաց՝ 804 մլն դրամի չափով։
Շրջակա միջավայրի նախարար Էրիկ Գրիգորյանը հարցի զեկուցող ՀՀ էկոնոմիկայի նախարար Տիգրան Խաչատրյանից հետաքրքրվեց, եթե «Ջերմուկ Գրուպ»-ը ներմուծում է հատուկ նյութ և դա օգտագործում պլաստմասսայե շշերի արտադրության մեջ, արդյոք այդ ներմուծված նյութերի համար հարկ գանձնվո՞ւմ է, թեև այդ նյութն առանձին չի իրացվում։
Նախարարի հարցին արձագանքեց վարչապետ Փաշինյանը․ «Պարո՛ն Գրիգորյան, փաստորեն, ջերմուկի արտադրությունն էլ է Ջերմուկի շրջակա միջավայրին վնաս․ լիքը վնասակար արտադրություններ կան, մտածենք ինչ անենք՝ փակենք, չփակենք»։
Էկոնոմիկայի նախարար Տիգրան Խաչատրյանն էլ պատասխանեց, որ նախարար Գրիգորյանի մատնանշած խնդիրը միայն տվյալ ընկերությանը չէ բնորոշ, ՀՀ-ում ջրեր կամ գազավորված ըմպելիքներ շշալցնող բոլոր կազմակերպությունները ներմուծում են այդ նյութը և այս պահին չի կարող պատասխանել, թե բնապահպանական վճարը կատարելու պարտավորությունը որ պահից է սկսում գործել։
Մանրամասները՝ տեսանյութում։
Աղավնի Սուքիասյան
