Հասարակություն
29.08.2019 | 12:40Կառավարությունը օգոստոսի 29-ի նիստում որոշում ընդունեց «Հայաստանի պետական ազգային ակադեմիական երգչախումբ» ՊՈԱԿ-ին 2019 թվականի պետական բյուջեից 50 մլն դրամ հատկացնելու մասին։
Նշենք, որ 2018 թվականին ՀՀ պետական բյուջեից տրամադրված ֆինանսավորմանը զուգահեռ «Լույս» մշակութային, գիտական, կրթական հիմնադրամի կողմից երգչախումբը մինչև մայիս ամիս ստացել է հովանավորչական գումար՝ աշխատավարձի լրավճարների համար, բայց այդ ֆինանսավորումը դադարեցվել է 2018 թվականի մայիսի 1-ից:
Նախագծի զեկուցող ԿԳՄՍՆ նախարար Արայիկ Հարությունյանի խոսքով՝ կարևորելով Հայաստանի պետական ազգային ակադեմիական երգչախմբի առանձնահատուկ դերը հայ երգչախմբային արվեստի զարգացման և միջազգային հանրահռչակման գործում և մաեստրո Հովհաննես Չեքիջյանի անգնահատելի ծառայությունները հայրենիքին՝ Մշակույթի նախարարությունը 2018 թվականին պետական բյուջեի ընդհանուր հատկացումների շրջանակներում այլ ծրագրերից հնարավորության սահմաններում կատարել է միջծրագրային վերաբաշխում և հատկացրել «Հայաստանի պետական ազգային ակադեմիական երգչախումբ» ՊՈԱԿ-ին՝ ստեղծագործական, վարչական և սպասարկող անձնակազմերի 2018 թվականի 6 ամսվա լրավճար:
Ըստ նախարարի՝ նկատի ունենալով ստեղծված իրավիճակը և այն, որ ՊՈԱԿ-ը դեռևս չէր կարողացել «Լույս» հիմնադրամի փոխարեն գտնել նոր հովանավորներ, նախարարությունը «Հայաստանի Հանրապետության 2019 թվականի պետական բյուջեի մասին» Հայաստանի Հանրապետության օրենքում այլ ծրագրերի նվազեցման հաշվին նախատեսել է 50.0 մլն դրամ գումար հատկացնել։
Մանրամասները՝ տեսանյութում։
Աղավնի Սուքիասյան
