30.04.2026 | 21:27
Այսօրվա փաստաթղթի ստորագրումը նշանակալի քայլ է գյուղական զարգացման ամրապնդման ճանապարհին. Պապոյան
«Էլարդ»-ի հետ տեսակապով քննարկումը տեղի կունենա այս շաբաթվա ընթացքում. վարչապետի խոսնակ
Քաղաքականություն
26.08.2019 | 18:30
Ամուլսարի հարցով փորձաքննություն իրականացրած «Էլարդ» ընկերության հետ անցած շաբաթ օրը տեսակապով քննարկում տեղի չի ունեցել: Factor.am-ի հարցմանն ի պատասխան՝ տեղեկացրեց ՀՀ վարչապետի մամուլի խոսնակ Վլադիմիր Կարապետյանը՝ հավելելով, որ այն կանցկացվի շաբաթվա ընթացքում, ինչի մասին անպայման կտեղեկացվի:
«Այս շաբաթվա ընթացքում քննարկումը լինելու է: Կտեղեկացնենք»,- ասաց պարոն Կարապետյանը:
Ի դեպ, ըստ նրա՝ վարչապետն ասել է, որ քննարկումը տեղի է ունենալու շաբաթվա ընթացքում, մինչդեռ անցյալ ուրբաթ՝ օգոստոսի 23-ին Ջերմուկ այցելած Նիկոլ Փաշինյանը քաղաքացիներից մեկի բնակարանում զրույցի ժամանակ այդ մասին խոսելիս նշել էր. «Շաբաթ օրը «Էլարդ» ընկերության փորձագետներին սկայպ-կոնֆերանսի ենք հրավիրել, այսինքն՝ մենք նստելու ենք այս կողմից, իրենք՝ այն կողմից, նստելու ենք և այս ընթացքում հավաքված հարցերը ասենք՝ մի հատ դուք բացատրեք՝ ինչ եք գրել: Իրենք իրենց բացատրածը բացատրեն, այդ ամեն ինչը նկարահանելու ենք և հրապարակելու ենք ամբողջ խոսակցությունը, որպեսզի դուք էլ լսեք»:
