18.09.2026 | 18:02
Բաքվում մահացած է հայտնաբերվել ԱՄՆ բանակի ադրբեջանցի զինծառայող
Վաղն Ամուլսարի փորձաքննությունն իրականացրած «Էլարդ»-ի հետ տեսակապով քննարկում ենք ունենալու. Փաշինյան. ՏԵՍԱՆՅՈՒԹ
Հասարակություն
23.08.2019 | 12:20
Այս ամբողջ պատմության մեջ խնդիրն այն է, որ Ամուլսարի հարցը մի քիչ ռացիոնալության դաշտից թեքվել է դեպի էմոցիաների դաշտ, իսկ այս հարցը պետք է քննարկել ռացիոնալության դաշտում: Ջերմուկում բնակիչների հետ հանդիպմանն ասաց ՀՀ վարչապետ Նիկոլ Փաշինյանը:
«Կրկնում եմ, եթե Ջերմուկի օդին, ջրին, խոտին Ամուլսարի հանքի շահագործումը վնասում է, ուրեմն քննարկելու բան չունենք, իսկ եթե չի վնասում հարց, ինչո՞ւ չեք թողնում, որ աշխատի: Եթե պարզվի, որ Ամուլսարի հանքի շահագործումը վնասում է Ջերմուկի օդը, ջուրը և բուսականությունը, Կառավարությունը 90 օր ժամանակ կտա՝ թերացումները շտկելու համար, եթե չշտկվեն, հանքը կփակվի»,- ընդգծեց վարչապետը:
Նա նշեց, որ վաղն Ամուլսարի փորձաքննությունն իրականացրած «Էլարդ» ընկերության հետ տեսակապով քննարկում է ունենալու, տալու է այդ ընկերության փորձագետներին իրեն ուղղված բոլոր հարցադրումները՝ ստանալով փորձագետներից դրանց պատասխանները:
«Եթե օդն աղտոտվի, այդ հանքը չի կարող աշխատել, դա բացառվում է»,- հայտարարեց Փաշինյանը։
Քաղաքացու դիտարկմանը, որ երբ տարիներ առաջ Ջերմուկում Ամուլսարի հանքի պայթեցման աշխատանքներ սկսեցին, քաղաքում այլևս չերևացին սարյակներ և ծիծեռնակներ, Փաշինյանն արձագանքեց, որ եթե նույնիսկ այդպես է, դա չի կարող կապվել Ամուլսարի հետ։
«Հանքը բացված չի դեռ, ուրեմն՝ ծիծեռնակները նեղացել գնացել են, բայց դա հանքի հետ կապ չունի»,- ասաց Փաշինյանը՝ նշելով, որ Ջերմուկի բնակիչների հետ մեծ հույսեր է կապում:
Մանրամասները՝ տեսանյութում:
